સુરત: સુરત પોલીસે કૂખ્યાત અલ્લારખા ઉર્ફે લાલા બરફવાલાને ડ્રગ્સના જથ્થા સાથે ઝડપી લીધો છે.. બાતમીના આધારે પોલીસે પર્વત પાટિયા વિસ્તારમાં એક હોટેલમાં દરોડો પાડ્યો હતો. ત્રણેય શખ્સ 78.220 ગ્રામ MD ડ્રગ્સના જથ્થા સાથે ઝડપાયા છે. જેની કિંમત 7 લાખથી વધારે થાય છે. આરોપીઓ પાસેથી રોકડ 40 હજાર રૂપિયા 3 મોબાઈલ ડ્રગ્સના પેકિંગ માટે પ્લાસ્ટિકની 300 બેગ અને ડીઝિટલ વજન કાંટો પણ મળી આવ્યો છે. ત્રણેય આરોપીઓ ગુનાહિત ઇતિહાસ ધરાવે છે. જેમાં મુખ્ય આરોપી અલ્લારખાને તડીપાર કરાયો હતો.
અલ્લારખા ઉર્ફે લાલા બરફવાલા નામના શખ્સ અને તેના 2 સાથીને MD ડ્રગ્સ સાથે ઝડપી પાડવામાં આવ્યા છે. આ શખ્સો ચોરી છૂપીથી ડ્રગ્સનું વેચાણ કરતા હતા. આ ઈસમો પાસેથી 7,82,000 રૂપિયાનું ડ્રગ્સ, 40 હજાર રોકડા, 3 મોબાઇલ, 300 ડ્રગ્સ પેક કરવાનું પ્લાસ્ટિક સહિતનો મુદ્દામાલ કબજે કરવામાં આવ્યો છે. અલ્લારખા ઉર્ફે લાલા બરફવાલા નામનો ઇસમ ગેરકાયદેસરના ડ્રગ્સનું ચોરી છુપીથી વેચાણ કરતો આવેલો છે અને તે પર્વત પાટીયા, ડી.આર.વર્લ્ડ મોલના ત્રીજા માળે આવેલ હોટલ ફ્રાન્સના રૂમ નંબર-7માં રોકાયેલો છે. પોલીસને આ ઈસમ પાસે ડ્રગ્સનો મુદ્દામાલ હોવાની પણ માહિતી મળી હતી.
પોલીસે દરોડા પાડી કુખ્યાત આરોપી અલ્લારખા ઉર્ફે લાલા બરફવાલા, અસદ સાકીર રંગુની અને દર્શીલ જનકકુમાર અંકલેશ્વરીયા નામના ઇસમોની ધરપકડ કરી છે. આ ઈસમો પાસેથી MD ડ્રગ્સનો 78.220 ગ્રામના જથ્થો જપ્ત કર્યો છે. આ ડ્રગ્સની કિંમત 7 લાખથી વધુ માનવામાં આવે છે. આ ઉપરાંત આરોપીઓ પાસેથી 3 ઇન્જેકશનની સીરીંજ, ડ્રગ્સ વેચાણના રોકડા 40,090, 3 મોબાઇલ, 300 ડ્રગ્સ પેકીંગની પ્લાસ્ટીકની ઝીપ બેગો અને વજન કરવાની ડીઝીટલ વજન કાંટી સહીત કુલ 8,54,590નો મુદ્દામાલ કબ્જે કરી કાયદેસરની કાર્યવાહી કરી છે.
મુખ્ય આરોપી વિરુદ્ધ અઠવા રાંદેર અને જહાંગીરપુર પોલીસ ગુના દાખલ છે. સુરત પોલીસે તડીપાર પણ કર્યો હતો. પકડાયેલા આરોપી ગુનાહિત ઇતિહાસ ધરાવે છે. જ્યારે આરોપી અસદ રંગુની વિરુદ્ધ અઠવા પોલીસમાં બે ગુના દાખલ થયેલા છે. પકડાયેલ આરોપી આ ડ્રગ્સ મુંબઈથી લાવ્યા હતા. પોલીસે વધુ તપાસ શરૂ કરી છે. આ ઈસમો ચોરી છૂપીથી ડ્રગ્સનું વેચાણ કરતા હતા. આ ઈસમો પાસેથી 7,82,000 રૂપિયાનું ડ્રગ્સ, 40 હજાર રોકડા, 3 મોબાઇલ, 300 ડ્રગ્સ પેક કરવાનું પ્લાસ્ટિક સહિતનો મુદ્દામાલ કબજે કરવામાં આવ્યો છે.