હાલ, નવનિર્મિત બિલ્ડિંગમાંથી 27 લોકોને બચાવી લેવામાં આવ્યા છે. ફાયર વિભાગના કર્મચારીઓએ જીવના જોખમે લોકોને બચાવ્યા હતા. 5થી 7 ફૂટ પાણીમાંથી લોકોને બહાર કાઢ્યા હતા. માનવ ચેન બનાવીને લોકોને બહાર કાઢવામાં આવ્યા હતા. ફાયરના અધિકારીએ જણાવ્યું હતું કે, હજુ 40થી વધુ લોકો અંદર ફસાયેલા છે. જોકે, તેઓ બહાર આવવાની ના પાડે છે. પરંતુ અમે તમેને સમજાવીને બહાર કાઢી રહ્યા છીએ.
કોર્પોરેટર વિજય ચોમાલ અને ફાયરની ટીમે પ્રસંશનીય કામગીરી કરીને લોકોના જીવ બચાવ્યા હતા. ફાયર ઓફિસર ક્રિષ્ના મોઢ અને ટીમે 27 લોકોને બચાવ્યા છે. હજી પણ કામગીરી ચાલુ છે.