આ દરમિયાન ઉકાઈ ડેમના ઉપરવાસમાં ભારે વરસાદને કારણે પાણીની જંગી આવક થતાં ડેમમાંથી તાપી નદીમાં 190000 ક્યુસેક પાણી છોડવાનું શરૂ કરવામાં આવ્યું છે. 10 વાગ્યાથી તાપી નદીમાં પાણી છોડવામાં આવી રહ્યું છે. ઈન્ફલો 1 લાખ 47 હજાર 123 ક્યુસેક અને આઉટ ફ્લો 1 લાખ 90 હજાર ક્યુસેક છે.
ઉકાઈ ડેમની સપાટી 333.92 ફૂટ છે. હાલ ડેમના 15 ગેટ 6 ફૂટ ખોલીને તાપી નદીમાં પાણી છોડવામાં આવી રહ્યું છે. તાપી નદીમાં પાણી છોડવામાં આવતા સુરત શહેર કે ગ્રામિણ વિસ્તારને કોઈ અસર નહીં થાય.