વડોદરાથી મુખ્યમંત્રી વિજયભાઈ રૂપાણીને અમદાવાદ એરપોર્ટ પર લાવવામાં આવી રહ્યા છે. અહીંથી તેમને સીધા જ યૂએન મહેતા હોસ્પિટલમાં લઈ જવામાં આવશે. જ્યાં તેમના સ્વાસ્થને લઈને સારવાર કરવામાં આવશે.
રૂપાણી પ્રવચન આપતા હતા ત્યારે તેમનો આ સીક્યુરિટી જવાન દૂર ઉભો હતો. રૂપાણીની આંખો બંધ થવા લાગી ને તેમનો અવાજ લથડતાં તે તાત્કાલિક રૂપાણીની પાછળ આવીને ઉભો રહી ગયો હતો. રૂપાણી લથડ્યા કે તરત જ તેણે નજીક પહોંચીને રૂપાણીને નીચે પડતા પહેલાં જ ઝીલી લીધા હતા ને નીચે પછડાતાં બચાવી લીધા હતા. આ સીક્યુરિટી જવાનની સતર્કતાએ રૂપાણીને પછડાઈને ગંભીર ઈજા નહોતી થવા દીધી. સીક્યુરિટી જવાનની આ સતર્કતા અને ફરજ તરફની નિષ્ઠાની પ્રસંશા થઈ રહી છે.
ઉલ્લેખનીય છે કે સ્થાનિક સ્વરાજની ચૂંટણીને લઈને મુખ્યમંત્રી વિજયભાઈ રૂપાણી વડોદરામાં પ્રચાર કરી રહ્યા હતા.