Donald Trump swearing-in ceremony: અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પ રવિવારે (૨૦ જાન્યુઆરી, ૨૦૨૫) રાષ્ટ્રપતિ તરીકે શપથ ગ્રહણ કરવા જઈ રહ્યા છે. આ સમય દરમિયાન તે બે બાઇબલનો ઉપયોગ કરશે. આમાંથી એક તેને તેની માતાએ ભેટ તરીકે આપ્યું હતું, જ્યારે બીજું લિંકન બાઇબલ હશે. કડકડતી ઠંડીને કારણે, આ વખતે ટ્રમ્પનો શપથ ગ્રહણ સમારોહ ખુલ્લામાં યોજાશે નહીં. શપથ ગ્રહણ સમારોહ યુએસ કેપિટોલના રોટુન્ડાની અંદર યોજાશે. રાષ્ટ્રપતિ રોનાલ્ડ રીગને છેલ્લી વખત 1985 માં ઘરની અંદર શપથ લીધા હતા. તે સમયે પણ, યુએસ કેપિટોલમાં સખત ઠંડી હતી. સોમવારે વૉશિંગ્ટનમાં તાપમાન શૂન્ય ડિગ્રી રહેવાની આગાહી છે.
ટ્રમ્પના ઔપચારિક શપથ ગ્રહણ સમારોહમાં અનેક ઔપચારિક કાર્યક્રમો યોજાશે, જેમાં કોન્સર્ટ અને ઉજવણી પરેડનો સમાવેશ થાય છે. તેઓ યુનાઇટેડ સ્ટેટ્સના 47મા રાષ્ટ્રપતિ તરીકે શપથ લેશે. સત્તાવાર શપથ ગ્રહણ સમારોહ 20 જાન્યુઆરી, 2025 ના રોજ બપોરે 12 વાગ્યે (ભારતીય સમય મુજબ રાત્રે 10:30 વાગ્યે) થશે. યુએસ ચીફ જસ્ટિસ જોન રોબર્ટ્સ ટ્રમ્પને તેમના બીજા કાર્યકાળ માટે શપથ લેવડાવશે.
રવિવાર, 19 જાન્યુઆરીનો કાર્યક્રમ -
શપથ ગ્રહણ કરતા પહેલા ટ્રમ્પ રવિવારે આર્લિંગ્ટન રાષ્ટ્રીય કબ્રસ્તાનમાં પુષ્પાંજલિ અર્પણ કરશે.
તેઓ વૉશિંગ્ટન ડીસીના કેપિટલ વન એરેના ખાતે પોતાના સમર્થકો સાથે એક મેગા રેલી કરશે. રેલી પછી કેન્ડલ લાઇટ ડિનર કરશે.
શપથગ્રહણ સમારોહનો કાર્યક્રમ
સવારે ૫ વાગ્યે: નેશનલ મૉલમાં ઉપસ્થિતો માટે સુરક્ષા તપાસ શરૂ થશે.
સવારે ૯:૩૦ વાગ્યે: કેપિટોલના પશ્ચિમ લૉન પર લાઇવ પર્ફોર્મન્સ થશે, જેમાં કેરી અંડરવુડ અમેરિકા ધ બ્યુટીફુલ ગીત ગાશે.
નવા ચૂંટાયેલા રાષ્ટ્રપતિ અને તેમનો પરિવાર વ્હાઇટ હાઉસ નજીક સેન્ટ જોન્સ એપિસ્કોપલ ચર્ચમાં પ્રાર્થનામાં હાજરી આપશે.
વ્હાઇટ હાઉસ ખાતે બિડેન અને ટ્રમ્પ પરિવાર માટે ચાનું આયોજન કરવામાં આવશે.
આ પછી, ડોનાલ્ડ ટ્રમ્પ અને નવા ઉપરાષ્ટ્રપતિ માઈક પેન્સ શપથ ગ્રહણ સમારોહ માટે યુએસ કેપિટોલ બિલ્ડીંગ જશે.
બપોરે ૧૨ વાગ્યે (ભારતીય સમય મુજબ રાત્રે ૧૦:૩૦ વાગ્યે) મુખ્ય ન્યાયાધીશ ટ્રમ્પને સત્તાવાર રીતે શપથ લેવડાવશે.
શપથ ગ્રહણ પછી, ટ્રમ્પ એક ભાષણ આપશે જેમાં તેઓ આગામી ચાર વર્ષ દરમિયાન કેવી રીતે કામ કરવાના છે તે સમજાવશે.
રાષ્ટ્રપતિની પરેડ પેન્સિલવેનિયા એવન્યુથી વ્હાઇટ હાઉસ સુધી જશે, જેમાં લશ્કરી રેજિમેન્ટ, માર્ચિંગ બેન્ડ અને ફ્લોટ્સ હશે.
ક્યાંથી જોઇ શકાશે શપથગ્રહણ સમારોહ
શપથ ગ્રહણ સમારોહ એક જાહેર કાર્યક્રમ છે, અને હજારો લોકો વૉશિંગ્ટન ડીસીના નેશનલ મૉલમાં મોટી વીડિઓ સ્ક્રીન પર સમારોહ જોવા માટે એકઠા થાય તેવી અપેક્ષા છે. જે લોકો વોશિંગ્ટન આવી શકતા નથી, તેમના માટે આ કાર્યક્રમનું જીવંત પ્રસારણ ABC, NBC અને CNN જેવી મુખ્ય સમાચાર ચેનલો પર કરવામાં આવશે. આ ઉપરાંત, વિવિધ પ્લેટફોર્મ પર લાઇવ સ્ટ્રીમિંગ પણ ઉપલબ્ધ થશે.
આ પણ વાંચો