Baba Vanga Predictions for 2025: દરેક વ્યક્તિ ભવિષ્ય જાણવા ઇચ્છુક હોય છે. લોકો જાણવા માંગે છે કે, ભવિષ્યમાં શું થવાનું છે અને તેની આપણા પર શું અસર પડી શકે છે. બલ્ગેરિયન પયગંબર બાબા વેંગાની ભવિષ્યવાણીઓની ફરી એકવાર ચર્ચા થઈ રહી છે. તેમણે વિશ્વમાં થનાર ઘટનાઓ વિશે ઘણી આગાહીઓ કરી છે. આમાંની કેટલીક ખૂબ જ ભયંકર છે. ઉલ્લેખનિય છે કે, બાબા વેંગાનો જન્મ 1911માં થયો હતો અને તેમનું 1996માં 86માં વર્ષની વયે અવસાન થયું હતું.
બાબા વાંગાની આગાહી મુજબ, એક એવું વર્ષ આવશે જે મુશ્કેલીઓથી ભરેલું હશે. તેમના મતે, આ વર્ષ 2025 હોઈ શકે છે, જેમાં એક મોટું આર્થિક સંકટ આવી શકે છે. તેમણે આગાહી કરી છે કે, આ વર્ષે વિશ્વ બજારોને વિકૃત કરતી નીતિઓને કારણે દેશો વચ્ચે તણાવ વધી શકે છે. વિશ્વમાં આર્થિક ઉથલપાથલ વચ્ચે, તેમની આગાહી પહેલા કરતાં વધુ સુસંગત બની ગઈ છે.
વૈશ્વિક આર્થિક મંદી આવી શકે છે
વર્ષ 2025માં વિશ્વભરમાં આર્થિક મંદી આવી શકે છે. તેમનું કહેવું છે કે આનાથી બેંકિંગ સિસ્ટમ પડી ભાંગી શકે છે અને ઘણા દેશોને ગંભીર પરિણામોનો સામનો કરવો પડી શકે છે. આ હિંસા તરફ દોરી શકે છે, જેને તેમણે માનવતાના પતન તરીકે વર્ણવ્યું છે.
બાબા વેંગાએ 12 વર્ષની ઉંમરે પોતાની દૃષ્ટિ ગુમાવી દીધી હતી.
ઉલ્લેખનિય છે કે, બાબા વેંગાએ માત્ર 12 વર્ષની ઉંમરે પોતાની દૃષ્ટિ ગુમાવી દીધી હતી. તેમની મોટાભાગની આગાહીઓ સાચી સાબિત થઈ છે. આ કારણોસર તેમને બાલ્કન ક્ષેત્રનો નોસ્ટ્રાડેમસ કહેવામાં આવે છે. તેમણે વર્ષ 5079 સુધીની આગાહીઓ કરી હતી. આ સાથે, તેમણે સોવિયેત યુનિયનનું વિઘટન, અમેરિકામાં આતંકવાદી સંગઠન અલ કાયદા દ્વારા 9/11ના હુમલા સહિત ઘણી આગાહીઓ કરી હતી, જે સાચી સાબિત થઈ છે.