ચીનની જિનપિંગ સરકાર દરરોજ નવા નવા કારનામા કરી રહી છે. ક્યારેક આ દેશ કોરોના વાયરસને લઈને ચર્ચામાં રહે છે તો ક્યારેક પાકિસ્તાન સાથેની મિત્રતાને લઈને. પરંતુ આ વખતે ચીન જે મુદ્દાને લઈને ચર્ચામાં છે તે ખુબ જ આશ્ચર્યજનક છે. આ વખતે ચીન ચર્ચામાં છે કારણ કે ત્યાં હવે પુરુષો સોશિયલ મીડિયા પર મહિલાઓના અંડરગારમેન્ટને પ્રમોટ કરી રહ્યા છે. પુરૂષો આ પ્રચાર માત્ર મૌખિક રીતે જ નથી કરી રહ્યા, પરંતુ તેઓ મહિલાઓની બ્રા અને પેન્ટી પહેરીને વિડિયો જાહેરાતો શૂટ કરીને તેનો પ્રચાર કરી રહ્યા છે.
હવે સવાલ એ થાય છે કે, આખરે એવું તે શું થયું કે પુરુષો મહિલાઓના અંડરગારમેન્ટને પ્રમોટ કરી રહ્યા છે? શું ચીનમાં મહિલા મોડલ્સની અછત છે કે પછી એવો કોઈ નિયમ છે જેના કારણે મહિલાઓ અંડરગારમેન્ટને પ્રમોટ કરી શકતી નથી.
ચીનમાં પુરુષો શા માટે સ્ત્રીઓના અંડરગારમેન્ટ પહેરે છે?
હકીકતે, ચીનની જિનપિંગ સરકારે તાજેતરમાં જ કેટલાક એવા નિયમો લાગુ કર્યા છે, જેના કારણે દેશના તમામ મોટા સોશિયલ મીડિયા લાઇવ સ્ટ્રીમિંગ એપ પર કોઈ પણ મહિલા અન્ડરગાર્મેન્ટ પહેરીને આવી શકતી નથી. આ જ કારણ છે કે, હવે ચીનના લૅન્જરી ઇન્ડસ્ટ્રીને પ્રમોટ કરવા માટે પુરુષો આગળ આવી રહ્યા છે. તમામ લાઇવ સ્ટ્રીમિંગ એપ પર આ પુરુષો મહિલાઓના અન્ડરગાર્મેન્ટ પહેરીને મહિલાઓને પ્રોત્સાહન આપી રહ્યા છે.
મહિલાઓ પ્રચાર કેમ નથી કરતી?
ચીનના એક ટ્વિટર યુઝર, @xiaojingcanxueએ તેની પ્રોફાઇલ પર એક પોસ્ટ શેર કરી છે જેમાં જણાવ્યું હતું કે, ચીનમાં મહિલાઓ અંડરગારમેન્ટ પહેરીને લાઇવ બ્રોડકાસ્ટ એપ્લિકેશન પર દેખાઈ શકતી નથી. કારણ કે જો તેઓ આમ કરશે તો ચીન સરકારના નવા નિયમ હેઠળ તેના પર ઑનલાઇન પ્રતિબંધ મૂકવામાં આવશે. આમ કરવું અશ્લીલતા ફેલાવવા જેવું ગણાશે. આ જ કારણ છે કે, હવે મહિલાઓને બદલે પુરૂષો ચાઈનીઝ લોન્જરી કંપનીઓને પ્રમોટ કરી રહ્યા છે.
શું અન્ય દેશોમાં લાગુ થઈ શકે છે આ કાયદો?
જે રીતે સોશિયલ મીડિયાનો દુરુપયોગ થઈ રહ્યો છે અને તેના પર આડેધડ પોર્નોગ્રાફી ચલાવવામાં આવી રહી છે. તેને જોઈને એમ કહેવું ખોટું નહીં હોય કે આવનારા સમયમાં ભારત સહિત વિશ્વના અનેક દેશો આવો નિયમ બનાવી શકે છે. છે. જો આ નિર્ણય દુનિયાના અન્ય દેશોમાં લાગુ થશે તો મહિલાઓના અન્ડરગાર્મેન્ટ બનાવતી કંપનીઓ માટે મુશ્કેલી ઉભી થશે. કારણ કે ડીજીટલ યુગના આ યુગમાં દેશ અને દુનિયાની મોટાભાગની કંપનીઓ સોશિયલ મીડિયા દ્વારા જ પોતાની પ્રોડક્ટનું પ્રમોશન કરે છે.