ભારત-ચીન સીમા પર છેલ્લા ચાર મહિનાથી તણાવ ઉભો થયો છે. આ બધાની વચ્ચે મોકો છે જ્યારે કોઇ બહુપક્ષીય બેઠકના મંચ પર બન્ને દેશોના રક્ષા મંત્રી રુબરુ થશે.જોકે, હજુ સુધી બન્ને દેશોના રક્ષા મંત્રીઓની દ્વીપક્ષીય બેઠક નક્કી નથી. છેલ્લા ચાર મહિનામાં રક્ષા મત્રી બીજીવાર રશિયા પહોંચ્યા છે.
S-400ના સપ્લાય પર આપશે જોર
ભારતે રશિયાની આધુનિક ટેકનિકથી લેસ S-400 મિસાઇલ ડિફેન્સ સિસ્ટમ માટે કરાર કર્યો છે. સુત્રો અનુસાર, રાજનાથ સિંહ રશિયા પાસે જલ્દી આ મિસાઇલ સિસ્ટમ આપવાનુ કહેશે. આ મિસાઇલ સિસ્ટમ આવવાથી ભારતીય સેનાની તાકાતમાં બહુ મોટો વધારો થઇ જશે. આ મિસાઇલ સિસ્ટમ 400 કિલોમીટરના દાયરામાં એવુ કવચ બને છે જે હવામાં મિસાઇલોને ધ્વસ્ત કરી દે છે.
આ ઉપરાંત વિદેશ મંત્રી એસ જયશંકર પણ રશિયા જઇ શકે છે. રશિયાએ 10 સપ્ટેમ્બરે એસસીઓમાં વિદેશ મંત્રીઓની બેઠકમાં સામેલ થવા માટે વિદેશ મંત્રી એસ જયશંકરને પણ આમંત્રિત કર્યા છે.