એક સમાચાર પત્રને આપેલા ઈન્ટરવ્યૂ દરમિયાન એમીએ ટ્રંપ પર આરોપ લગાવ્યા હતા. એમીએ આરોપ સિદ્ધ કરવા માટે સમાચાર પત્ર ધ ગાર્ડિયનને તે સમયમી કેટલીક તસવીર પણ ઉપલબ્ધ કરાવી છે. એમીના આરોપ બાદ ટ્રંપે તેને નકારી દીધાં હતા અને પોતાના વકીલોના માધ્યમથી આ તમામ આરોપોનું ખંડન કર્યું છે.
પૂર્વ મોડલ એમી ડોરિસે બ્રિટેનના ધ ગાર્ડિયન અખબારને આપેલા ઈન્ટરવ્યૂમાં જણાવ્યું કે, ટ્રંપે તેની સાથે ન્યૂયોર્કમાં યૂએસ ઓપન દરમિયાન પોતાના વીઆઈપી બોક્સમાં યૌન શોષણ કર્યું હતું. તેણે જણાવ્યું કે, તે સમયે કઈ રીતે ટ્રંપે તેનું યૌન શોષણ કર્યું હતું. એમીએ કહ્યું કે, જ્યારે તે વીઆઈપી બૉક્સમાં ગઈ હતી ત્યારે ટ્રંપે તેને પકડી લીધી હતી.
આ સમગ્ર મામલે ટ્રંપના વકીલોનું કહેવું છે કે, તેમનો આરોપ રાજનીતિથી પ્રેરિત હોઈ શકે છે કારણ કે 3 નવેમ્બરે ચૂંટણીમાં ટ્રંપનો મુકાબલો જૉ બાઈડેન સામે છે.