Canada Toronto: કેનેડામાં ફરી એકવાર હિન્દુઓને નિશાન બનાવવાનો મામલો સામે આવ્યો છે. ટોરન્ટોમાં હિન્દુ વિરોધી પરેડનું આયોજન કરવામાં આવ્યું છે. કેનેડામાં તાજેતરમાં ચૂંટણીઓ યોજાઈ હતી અને માર્ક કાર્નીએ જીત મેળવી છે અને ફરીથી વડાપ્રધાન પદ સંભાળ્યું છે.
વાસ્તવમાં કેનેડિયન પત્રકાર ડેનિયલ બોર્ડમેને X પર એક પોસ્ટ શેર કરી છે. તેની સાથે એક વીડિયો પણ જોડાયેલ છે. આ વીડિયોમાં કથિત રીતે ટોરન્ટોના માલ્ટનમાં એક ગુરુદ્વારામાં હિન્દુ વિરોધી પરેડ બતાવવામાં આવી છે. બોર્ડમેને પોસ્ટમાં કેનેડાના વડાપ્રધાન માર્ક કાર્નીની સરકારને પણ પ્રશ્નો પૂછ્યા છે. તેમણે લખ્યું હતું કે, શું તેઓ ભૂતપૂર્વ વડા પ્રધાન જસ્ટિન ટ્રુડોની જેમ ખાલિસ્તાનીઓ પ્રત્યે નરમ વલણ અપનાવશે કે કડક વલણ અપનાવશે?
પત્રકારે ખાલિસ્તાની સમર્થકો અંગે ઉઠાવ્યા સવાલ
પત્રકાર બોર્ડમેને X પર લખ્યું હતું કે , "આપણા રસ્તાઓ પર ઉત્પાત મચાવનારા જેહાદીઓએ સામાજિક માળખાને ભારે નુકસાન પહોંચાડ્યું છે અને દરેક યહૂદીને ધમકી આપી રહ્યા છે, પરંતુ ખાલિસ્તાની સમાજ માટે સૌથી ઘૃણાસ્પદ વિદેશી ભંડોળ ખતરાના રૂપમાં તેમને ટક્કર આપી રહ્યા છે. " શું માર્ક કાર્નીનું કેનેડા જસ્ટિન ટ્રુડોના કેનેડાથી અલગ હશે?"
કેનેડામાંથી 8 લાખ હિન્દુઓને હાંકી કાઢવાની માંગ કોણે કરી?
શોન બિંદા નામના યુઝરે ઇન્સ્ટાગ્રામ પર પોસ્ટ શેર કરી છે. બિંદાએ X પર લખ્યું હતુ કે, "ટોરન્ટોના માલ્ટન ગુરુદ્વારા ખાતેના કે-ગેંગે બેશરમીથી 8 લાખ હિન્દુઓને ભારત મોકલવાની માંગ કરી છે. તે બધા ત્રિનિદાદ, ગુયાના, સુરીનામ, જમૈકા, દક્ષિણ આફ્રિકા, નેધરલેન્ડ, મલેશિયા, શ્રીલંકા, સિંગાપોર, કેન્યા અને અન્ય સ્થળોના છે." બિંદાની પોસ્ટ પત્રકાર બોર્ડમેને રીપોસ્ટ કરી હતી.