US Strike Iran: અમેરિકાએ ઈરાનના કેશમ ટાપુ પર હુમલો કર્યો છે. મંગળવારે અમેરિકન સૈન્યએ કહ્યું હતું કે આ હુમલાઓ હોર્મુઝ સ્ટ્રેટ નજીક તેના અપાચે એટેક હેલિકોપ્ટરને તોડી પાડવાના જવાબમાં કરવામાં આવ્યા હતા. એક નિવેદનમાં અમેરિકાના રાષ્ટ્રપતિ ડોનાલ્ડ ટ્રમ્પે ઈરાનને તોડી પાડવા માટે દોષિત ઠેરવ્યુ અને બદલો લેવાની પ્રતિજ્ઞા લીધી. અમેરિકાના હુમલાઓ બાદ ઈરાને મજબૂત પ્રતિક્રિયા આપવાની ધમકી આપી છે, જેનાથી ફરી યુદ્ધનો ખતરો મંડરાઈ રહ્યો છે
ઈરાનના સરકારી મીડિયાએ અહેવાલ આપ્યો છે કે હોર્મુઝ સ્ટ્રેટમાં કેશમ ટાપુ પર વિસ્ફોટો સંભળાયા છે, જે એક મહત્વપૂર્ણ શિપિંગ માર્ગ છે જેને ઈરાને યુદ્ધ દરમિયાન અસરકારક રીતે બંધ કરી દીધો છે. ઈરાની મીડિયાના મતે હુમલાઓ ઈરાની રાજધાની કે અન્ય મુખ્ય શહેરો પર નહીં, પરંતુ કેશમ ટાપુ પર થયા હતા. પરિણામે થયેલા જાનહાનિનું પ્રમાણ હજુ સુધી જાણી શકાયું નથી.
ટ્રમ્પે હુમલાની ધમકી આપી હતી.
ડોનાલ્ડ ટ્રમ્પે મંગળવારે કહ્યું હતું કે ઈરાને સ્ટ્રેટમાં પેટ્રોલિંગ કરતી વખતે તેમનું આર્મી હેલિકોપ્ટર તોડી પાડ્યું હતું. અમેરિકાએ આ હુમલાનો જવાબ આપવો જ જોઈએ. ટ્રમ્પે કહ્યું કે ઈરાનીઓએ અમારા અત્યાધુનિક અપાચે હેલિકોપ્ટરમાંથી એકને તોડી પાડ્યું. જો કે, બંને સર્વિસ મેમ્બર સલામત છે. યુએસ સૈન્યએ જણાવ્યું હતું કે મંગળવારે વહેલી સવારે હોર્મુઝ સ્ટ્રેટ નજીક એક ડ્રોન બોટે એક લડાયક હેલિકોપ્ટરના ક્રૂને બચાવી લીધા હતા. યુએસ સેન્ટ્રલ કમાન્ડના પ્રવક્તા કેપ્ટન ટિમ હોકિન્સે જણાવ્યું હતું કે 24 ફૂટની માનવરહિત બોટે લગભગ બે કલાક પાણીની અંદર વિતાવ્યા પછી બંને પાયલટ્સને શોધી કાઢ્યા અને તેમને બચાવ્યા હતા.
ઈરાન યુએસ હુમલાઓનો જવાબ આપશે: ઈરાન
ઈરાનના વિદેશ પ્રધાન અબ્બાસ અરાઘચીએ હોર્મુઝ સ્ટ્રેટ નજીક અમેરિકાના અપાચે હેલિકોપ્ટરના ક્રેશ બાદ અમેરિકાના હુમલાઓનો જવાબ આપ્યો છે. તેમણે કહ્યું કે, "જો તમે સુરક્ષિત રહેવા માંગતા હોવ તો અમારો પ્રદેશ છોડી દો. અમારા પ્રદેશની નજીક વિદેશી દળો હંમેશા જોખમમાં હોય છે. અમે રાજદ્વારીને પ્રાથમિકતા આપીએ છીએ, પરંતુ અમે અન્ય ભાષાઓ પણ બોલીએ છીએ."
હેલિકોપ્ટરને તોડી પાડવા અને ત્યારબાદ યુએસ લશ્કરી હુમલાઓએ બંન્ને દેશોના તણાવમાં વધારો થયો છે. તાજેતરના દિવસોમાં હોર્મુઝની આસપાસ યુએસ અને ઈરાની ગોળીબાર અને લેબનોનમાં ઇઝરાયલી હુમલાઓએ 8 એપ્રિલના યુદ્ધવિરામને જોખમમાં મૂક્યો છે.