નવી દિલ્હીઃ કોરોના વાયરસ દુનિયાભરમાં વિકરાળ સમસ્યા બનતો જાય છે. ચીનના વુહાન શહેરમાંથી શરૂ થયેલો આ વાયરસ આજે દુનિયાભરમાં ફેલાઇ ચૂક્યો છે. ઇટાલીમાં કોરોના વાયરસના કારણે એક જ દિવસમાં 627 લોકોના મોત થયા હતા. જ્યારે કોરોના વાયરસના 5986 નવા પોઝિટીવ કેસ સામે આવ્યા છે.
નોંધનીય છે કે શુક્રવારના આ આંકડાઓને ઉમેરવામાં આવે તો ઇટાલીમાં કોરોના વાયરસથી મરનારાઓની સંખ્યા 4032 થઇ ચૂકી છે. જ્યારે કોરોના વાયરસના પોઝિટીસ કેસની સંખ્યા વધીને 47,021 થઇ ગઇ છે. ઇટાલી અને ચીનના આંકડાઓ જણાવે છે કે વાયરસની સૌથી વધુ અસર વૃદ્દો પર થાય છે. કોરોનાથી થનારા મોત મામલે ઇટાલીએ ચીન કરતા આગળ નીકળી ગયું છે.