ઉત્તર કોરિયામાં કોરોના વાયરસનો પ્રથમ શંકાસ્પદ કેસ નોંધાયો, કેસોંગ શહેરમાં લાદવામાં આવ્યું લોકડાઉન
એબીપી અસ્મિતા વેબ ટીમ | 26 Jul 2020 09:20 AM (IST)
આશરે બે લાખની વસતિ ધરાવતું કેસોંગ શહેર દક્ષિણ કોરિયાને જોડતી બોર્ડર નજીક આવેલું છે. હાલ અહીં લગાવવામાં આવેલું લોકડાઉન દેશમાં સંક્રમણ રોકવા લેવામાં આવેલું આ પ્રકારનું પ્રથમ પગલું છે.
સિયોલઃ સમગ્ર વિશ્વમાં કોરોનાનો કહેર વધી રહ્યો છે. આ દરમિયાન ઉત્તર કોરિયામાં કોરોના વાયરસનો પ્રથમ શંકાસ્પદ કેસ સામે આવ્યો છે. ન્યૂઝ એજન્સી એએફપી પ્રમાણે, જે બાદ તંત્ર દ્વારા બોર્ડર સ્થિત કેસોંગમાં લોકડાઉન લગાવી દેવામાં આવ્યું છે. કોરોના આ બોર્ડર પસાર કરીને અહીંયા આવ્યો હોવાનું કહેવામાં આવી રહ્યું છે. જે વ્યક્તિમાં સંક્રમણ જોવા મળ્યું છે તે ત્રણ વર્ષ પહેલા દક્ષિણ કોરિયા ગયો હતો. છેલ્લા પાંચ દિવસમાં આ વ્યક્તિના સંપર્કમાં આવેલા લોકોને શોધીને આઇસોલેટ કરવામાં આવી રહ્યા છે.