ઉલ્લેખનીય છે કે, ભારત સામે પાકિસ્તાનને કૂટનીતિક જંગમાં દરેક જગ્યાએ હાર અને હતાશા સાંપડી છે. સંયુક્ત રાષ્ટ્રમાં કાશ્મીર મુદ્દે ચીનની સાથે સાથે પાકિસ્તાનને પણ પછડાટ મળતા હવે પાકિસ્તાન ભારતને આંતરરાષ્ટ્રીય કોર્ટમાં ઘસેડવાની ધમકી આપી રહ્યું છે.
પાકિસ્તાનના વિદેશ મંત્રી શાહ મહસૂદ કુરેશીએ કહ્યું કે, સિદ્ધાંતિક રીતે પાકિસ્તાને કાશ્મીર મુદ્દાને આંતરરાષ્ટ્રીય કોર્ટ ઓફ જસ્ટિસમાં લઇ જવાનો નિર્ણય કર્યો છે, તેમને કહ્યું કે બધા કાયદાકીય નિયમો પર વિચાર કરીને આ નિર્ણય લેવામાં આવ્યો છે.
વડાપ્રધાન ઇમરાન ખાનની વિશેષ સહાયક ફિરદૌસ આશિક અવાને જણાવ્યુ કે, કેબિનેટ સિદ્ધાંતિક રીતે કાશ્મીર મુદ્દાને આઇસીજેમાં લઇ જવાને મંજૂરી આપી દીધી છે. તેમને કહ્યું કે, કાશ્મીરમાં માનવાધિકારના કથિત ઉલ્લંબઘનના આધાર પર મામલો નોંધવામાં આવશે.