એક વ્યક્તિએ પોતાની કાર માટે એક જ દિવસમાં 51 મેમો ફાટ્યા હતા. આ માટે વ્યક્તિને કુલ 6 લાખ રૂપિયાથી વધુનો દંડ ફટકારવામાં આવ્યો હતો. રેસિડેન્ટ રોડ પર કાર ચલાવવા બદલ આ ચલણ કાપવામાં આવ્યું છે. ચલણ કાપ્યા પછી, વ્યક્તિ કહે છે કે આ દંડ ખોટી રીતે જારી કરવામાં આવ્યો છે કારણ કે તેની પાસે તે રૂટ પર તેની ટેસ્લા કાર ચલાવવાની પરમિટ છે. તમને જણાવી દઈએ કે, રેસિડેન્ટ રોડ પર કાર ચલાવવાની મંજૂરી નથી કારણ કે તે રોડ પર માત્ર માણસોને ચાલવાની જ મંજૂરી છે.
'ધ મિરર'ના અહેવાલ મુજબ, યુકેના લંડનમાં રહેતા જ્હોન બેરેટની કારને આ રેસિડેન્ટ રોડ પર ડ્રાઇવિંગ કરવા બદલ મેનો ભરવો પડ્યો હતો. મેમો એક, બે નહીં પરંતુ 51 વખત ફાટ્યા હતા. જોન બેરેટને રૂ.6 લાખની રકમ ચૂકવવાની હતી. જ્હોન બેરેટનું કહેવું છે કે આ તમામ મેનો પાંચ મહિના દરમિયાન ફાઈલ કરવામાં આવ્યા હતા પરંતુ તે આ મહિનાની શરૂઆતમાં તેમને એકસાથે મોકલવામાં આવ્યા હતા.
જ્યારે તેની પત્ની ઘરે હતી ત્યારે તેણે જોયું તો તેને પણ આશ્ચર્ય થયું હતું. દરેક મેનોની કિંમત 13,000 રૂપિયાથી વધુ હતી. જો કે, બેરેટ દાવો કરે છે કે તેની પાસે પરમિટ છે જે તેની ટેસ્લા કારને દંડ વિના રેસિડેન્ટ રોડ પર ચલાવવાની મંજૂરી આપે છે. તેના પર લગાવવામાં આવેલ દંડ સંપૂર્ણપણે ખોટો છે. ઈન્વોઈસ કરતા પહેલા કોઈપણ પ્રકારની માહિતી આપવામાં આવી ન હતી. બેરેટે કહ્યું છે કે મારી પાસે દંડ ભરવા માટે 28 દિવસ છે પરંતુ તેમને ઈમેલનો જવાબ આપવા માટે માત્ર 56 દિવસનો સમય મળે છે.
બીજી તરફ, હાઉન્સલો કાઉન્સિલે આ મામલે કહ્યું- 'કાર એક કંપની પાસેથી લીઝ પર લેવામાં આવી હતી. રસ્તા પર કાર ચલાવતા પહેલા કારનું સરનામું બરાબર આપવામાં આવ્યું ન હતું. દંડના પત્રો ખોટા સરનામે ગયા હતા. હાલ પૂરતો, તમામ દંડ હવે રદ કરવામાં આવ્યો છે.