ભારત વિશ્વનો સૌથી મોટો મુસ્લિમ દેશ બનશે, જાણો હિન્દુઓની વસ્તી કેટલી હશે? પ્યુ રિસર્ચનો ચોંકાવનારો અહેવાલ

મુસ્લિમ વસ્તી વિશ્વમાં સૌથી ઝડપથી વૃદ્ધિ પામતો સમુદાય, નાસ્તિકોની સંખ્યામાં પણ ઉછાળો.

Pew Research religion report: ધાર્મિક વસ્તી પરના તાજેતરના પ્યુ સંશોધન કેન્દ્રના અહેવાલ મુજબ, વૈશ્વિક ધાર્મિક વસ્તીમાં નોંધપાત્ર ફેરફારો જોવા મળી રહ્યા છે. આ અહેવાલનો સૌથી મોટો ખુલાસો એ છે કે મુસ્લિમ સમુદાય વિશ્વમાં સૌથી ઝડપથી વિકસતા ધાર્મિક જૂથ તરીકે ઉભરી આવ્યો છે, જ્યારે ખ્રિસ્તી ધર્મની વૈશ્વિક વસ્તીમાં ઘટાડો નોંધાયો છે.

ભારત બનશે વિશ્વનો સૌથી મોટો મુસ્લિમ દેશ: 25 વર્ષમાં 347 મિલિયનનો વધારો

પ્યુ રિસર્ચના આ જ અહેવાલમાં ભવિષ્યવાણી કરવામાં આવી છે કે આગામી 25 વર્ષોમાં, ભારત વિશ્વમાં સૌથી વધુ મુસ્લિમો ધરાવતો દેશ હશે. અહેવાલ મુજબ, 2010 થી 2020 દરમિયાન વૈશ્વિક મુસ્લિમ વસ્તીમાં 347 મિલિયનનો આશ્ચર્યજનક વધારો થયો છે. આ વધારો બધા ધર્મોના સંયુક્ત વધારા કરતાં પણ વધુ છે. 2010માં વૈશ્વિક વસ્તીમાં મુસ્લિમોનો હિસ્સો 23.9% હતો જે 2020માં વધીને 25.6% થયો છે. પ્યુના વરિષ્ઠ ડેમોગ્રાફર હેકેટે જણાવ્યું હતું કે મુસ્લિમોમાં બાળકોનો જન્મ દર મૃત્યુ દર કરતા વધારે હોવાને કારણે આ વૃદ્ધિ જોવા મળી રહી છે.

ભારતમાં હિન્દુઓની સ્થિતિ અને વસ્તી વિષયક બદલાવ

અહેવાલ મુજબ, 2010 થી 2020 દરમિયાન વૈશ્વિક હિન્દુ વસ્તીમાં 12% નો વધારો થયો છે, જે વૈશ્વિક વસ્તી વૃદ્ધિના લગભગ સમાન છે. 2020માં હિન્દુઓની સંખ્યા 1.2 અબજ હતી, જે વૈશ્વિક વસ્તીના 14.9% હતી. જોકે, ભારતના સંદર્ભમાં, હિન્દુઓની વસ્તી 2010માં 80% થી ઘટીને 2020માં 79% થઈ ગઈ છે. આ જ સમયગાળામાં, ભારતમાં મુસ્લિમ વસ્તી 14.3% થી વધીને 15.2% થઈ છે, જેમાં 35.6 મિલિયનનો વધારો નોંધવામાં આવ્યો છે.

ખ્રિસ્તી ધર્મમાં ઘટાડો અને નાસ્તિકોનો ઉદય

વૈશ્વિક સ્તરે ખ્રિસ્તીઓની સંખ્યા 2.18 અબજથી વધીને 2.30 અબજ થઈ છે, પરંતુ વૈશ્વિક વસ્તીમાં તેમનો હિસ્સો 30.6% થી ઘટીને 28.8% થયો છે. આ ઘટાડો મુખ્યત્વે ધર્મ છોડી દેવાને કારણે થયો છે, ખાસ કરીને યુરોપ, ઉત્તર અમેરિકા અને ઓસ્ટ્રેલિયા જેવા પ્રદેશોમાં.

આ જ અહેવાલમાં, નાસ્તિકોની સંખ્યામાં પણ નોંધપાત્ર વૃદ્ધિ જોવા મળી છે. તેમની સંખ્યા 27 કરોડ વધીને 1.9 અબજ થઈ ગઈ છે, જે વૈશ્વિક વસ્તીના 24.2% છે. આ જૂથ મુસ્લિમો પછી બીજા ક્રમનો સૌથી ઝડપથી વિકસતો જૂથ છે. રસપ્રદ વાત એ છે કે, વૈશ્વિક નાસ્તિક વસ્તીના 78.3% લોકો ફક્ત ચીનમાં રહે છે.

મુસ્લિમ વસ્તી વૃદ્ધિના કારણો

મુસ્લિમ સમુદાયમાં ઝડપી વસ્તી વૃદ્ધિનું મુખ્ય કારણ તેમની સરેરાશ યુવા વસ્તી અને ઉચ્ચ પ્રજનન દર છે. 2010માં, વિશ્વના કુલ મુસ્લિમોમાંથી 35% 15 વર્ષથી ઓછી ઉંમરના હતા, જે અન્ય કોઈપણ ધાર્મિક જૂથની તુલનામાં સૌથી વધુ હતું. 2015-2020 ના ડેટાના આધારે, એક મુસ્લિમ મહિલા સરેરાશ 2.9 બાળકોને જન્મ આપે છે, જ્યારે બિન-મુસ્લિમ મહિલા માટે આ આંકડો 2.2% છે. આ ઉપરાંત, મુસ્લિમ વસ્તીના એક તૃતીયાંશ બાળકો 15 વર્ષથી ઓછી ઉંમરના છે, જે ભવિષ્યમાં વધુ વૃદ્ધિની શક્યતા વધારે છે.