(મૃત્યુંજય કુમાર, એબીપી ન્યૂઝ)
Russia Ukraine War: રશિયા અને યુક્રેન વચ્ચેનું યુદ્ધ 55મા દિવસે પણ ચાલુ છે. યુક્રેનમાં શહેરોના શહેરોનો તબાહ થઈ છે. ઘણા શહેરોમાં સ્થિતિ વધુ ખરાબ થઈ ગઈ છે. રશિયન સેનાએ યુક્રેનના પૂર્વ વિસ્તમરાં હુમલા તેજ કર્યા છે. રશિયન સેના યુક્રેનના મોટા શહેરોમાં મિસાઈલ છોડીને સમયાંતરે યુક્રેનને પડકાર આપી રહી છે. આ દરમિયાન એબીપી ન્યૂઝની ટીમ રશિયન સેનાના ઠેકાણા પર પહોંચી ગઈ છે.
વૉર ઝોનમાં હાજર એબીપી ન્યૂઝના સંવાદદાતા મૃત્યુંજય સિંહ અને કેમેરામેન આસિફ ખાન યુક્રેનના એવા સ્થળોએ પહોંચ્યા જ્યાં યુક્રેનની સેના અને રશિયન સૈનિકો વચ્ચે ભીષણ યુદ્ધ થયું.
એબીપી ન્યૂઝની ટીમ વૉર ઝોનમાં
એબીપી ન્યૂઝની ટીમ જંગલમાં પહોંચી જ્યાં રશિયન સૈનિકોએ તેમનું બંકર અને બેઝ બનાવ્યું હતું. રશિયન સેના આ જંગલમાં 38 દિવસ સુધી રોકાઈ હતી અને બંને દેશો વચ્ચે ગોળીબાર થયો હતો. 38 દિવસ સુધી બંકરમાં રશિયન સેનાનું જીવન કેવું હતું? આ સમજવા માટે, સંવાદદાતા મૃત્યુંજય સિંહ અને આસિફ ખાન 23 કિલોમીટર સુધી જંગલમાં ગયા. જ્યાં ચારે બાજુથી હુમલાની તૈયારી માટે બંકરો બનાવવામાં આવ્યા હતા.
જંગલમાં રશિયન બંકરો
એબીપી ન્યૂઝની ટીમ જંગલમાં આવેલા બંકરની અંદર પણ પહોંચી હતી જ્યાં રશિયન સેનાનો સામાન, મિસાઈલ, રોકેટ, બુલેટ અને રશિયન કપડાના ઢગલા પણ મળી આવ્યા હતા. જંગલની અંદર રશિયન આર્મીનું રસોડું, રશિયન આર્મીનું બાથરૂમ, રશિયન આર્મી કમાન્ડરનો રૂમ. બંકરની અંદર રશિયન સેનાના યુદ્ધની તૈયારી માટેના સાધનો વેરવિખેર જોવા મળ્યા. જંગલની વચ્ચોવચ ઈલેક્ટ્રીક વાયરો પણ જોવા મળ્યા હતા. જંગલમાં રોકેટનો કાટમાળ દેખાતો હતો.
યુક્રેનની સેનાએ ફરી કબજામાં લીધો આ વિસ્તાર
ઘણી જગ્યાએ જમીનમાં એવી મિસાઈલ પણ જોવા મળી હતી જે ફૂટી ન હતી. જંગલમાં આગ અને સર્વત્ર વિનાશ હતો. જોકે, આ વિસ્તાર ફરી એકવાર યુક્રેનની સેનાએ પોતાના કબજામાં લઈ લીધો છે.
યુક્રેનની સેનાએ રશિયન બંકર પર ગોળી મારીને રશિયા અને પુતિનને અપશબ્દો લખીને સ્પષ્ટ સંદેશ આપ્યો છે કે આ બંકર તમારી કબર છે. ઉલ્લેખનીય છે કે 24 ફેબ્રુઆરીથી રશિયન સૈનિકો યુક્રેનના અલગ-અલગ શહેરોમાં સતત હુમલા કરી રહ્યા છે. રશિયા પર અનેક પ્રતિબંધો હોવા છતાં સૈનિકો સતત બોમ્બ ફેંકી રહ્યા છે.