Jeans ban: વિશ્વના વિવિધ દેશોમાં પોશાક સંપૂર્ણપણે અલગ છે. પરંતુ આજે જીન્સ મુખ્યત્વે મોટાભાગના દેશોમાં પહેરવામાં આવે છે. પરંતુ શું તમે જાણો છો કે એક એવો દેશ છે જ્યાં જીન્સ પહેરવા પર પ્રતિબંધ છે. હા, આ દેશના લોકો જીન્સ પહેરી શકતા નથી, જો કોઈ વ્યક્તિ જીન્સ પહેરે તો પણ તેની સામે કાયદાકીય કાર્યવાહી થઈ શકે છે. આજે અમે તમને જણાવીશું કે આ દેશમાં જીન્સ પહેરવા પર કેમ પ્રતિબંધ છે અને તેની પાછળનું કારણ શું છે.
જીન્સ દુનિયાભરમાં લોકપ્રીય છે
આજે, જીન્સ પહેરવા એ આખી દુનિયામાં સામાન્ય કપડાં તરીકે જોવામાં આવે છે. વિશ્વના ઘણા દેશોમાં, સ્ત્રી અને પુરૂષ બંને જીન્સ પહેરવાનું પસંદ કરે છે. જીન્સની ખાસિયત એ છે કે તે ગરીબથી લઈને અમીર સુધી તમામ ઉંમરના લોકોમાં લોકપ્રિય છે. હવે સવાલ એ છે કે જીન્સ કયા દેશમાં પ્રતિબંધિત છે.
જીન્સ પર પ્રતિબંધ
તમને જણાવી દઈએ કે ઉત્તર કોરિયામાં જીન્સ પહેરવા પર પ્રતિબંધ છે. ઉત્તર કોરિયામાં કોરિયામાં તમામ પ્રકારના જીન્સ પર પ્રતિબંધ છે. આટલું જ નહીં ઉત્તર કોરિયામાં લોકો જીન્સ પહેરી શકતા નથી, પરંતુ ત્યાં જીન્સ પહેરવા પર સજા પણ છે. તમને જણાવી દઈએ કે ઉત્તર કોરિયામાં બ્લુ જીન્સને અમેરિકન સામ્રાજ્યવાદનું પ્રતીક માનવામાં આવે છે. જ્યારે અમેરિકાને આ દેશનો કટ્ટર દુશ્મન માનવામાં આવે છે. આ જ કારણ છે કે ઉત્તર કોરિયામાં જીન્સ પર પ્રતિબંધ છે.
જીન્સ વેચવાનો પ્રયાસ
મળતી માહિતી મુજબ, ઉત્તર કોરિયાએ 2009માં સ્વીડનમાં જીન્સની નિકાસ કરવાની યોજના બનાવી હતી. જેથી ત્યાંના પબ ડિપાર્ટમેન્ટ સ્ટોર્સ તેને નોકો બ્રાન્ડના નામથી વેચી શકે. પરંતુ સમગ્ર વિશ્વમાં તેનો એટલો વિરોધ થયો કે નિર્ણય પાછો ખેંચવો પડ્યો. એક હકીકત એ પણ છે કે ઉત્તર કોરિયામાં જીન્સ બનાવવાની છૂટ છે, પરંતુ તેને પહેરવાની મંજૂરી નથી. પરંતુ અહીં અંદરની તમામ માહિતી સંપૂર્ણપણે નિયંત્રિત છે. ઉત્તર કોરિયામાં કોઈ જીન્સ પહેરતું નથી. જેઓ જીન્સ પહેરે છે તેમની સામે સામાજિક બહિષ્કાર અને કાનૂની કાર્યવાહી કરવામાં આવી છે. નોંધનિય છે કે, ઉત્તર કોરિયામાં એવી ઘણી બાબતો બને છે જે ચોંકાવનારી છે પરંતુ તેની સુંપૂર્ણ માહિતી દુનિયા સુધી પહોંચી શકતી નથી.