US Iran War LIVE: 'આ યુદ્ધનો અંત નથી પરંતુ...', અમેરિકા-ઈરાન વચ્ચે યુદ્ધવિરામ પર મોજતબા ખામેનેઈનું મોટું નિવેદન

US Iran War LIVE: મિડલ ઈસ્ટમાં ચાલી રહેલા યુદ્ધ વચ્ચે અમેરિકાના રાષ્ટ્રપતિ ડોનાલ્ડ ટ્રમ્પે યુદ્ધવિરામની જાહેરાત કરી છે.

બ્રેકગ્રાઉન્ડ

US Iran War LIVE:  મિડલ ઈસ્ટમાં ચાલી રહેલા યુદ્ધ વચ્ચે અમેરિકાના રાષ્ટ્રપતિ ડોનાલ્ડ ટ્રમ્પે યુદ્ધવિરામની જાહેરાત કરી છે. ટ્રમ્પે મંગળવારે (7 એપ્રિલ) જાહેરાત કરી હતી કે અમેરિકા ઈરાન સાથે બે અઠવાડિયાના યુદ્ધવિરામ માટે સંમત થયું છે. તેમનું નિવેદન ઈરાન પર મોટો હુમલો કરવાની અને તેની સમગ્ સભ્યતાનો નાશ કરવાની ધમકી આપ્યાના થોડા કલાકો પછી આવ્યું છે. પાકિસ્તાને પણ યુદ્ધવિરામમાં મુખ્ય ભૂમિકા ભજવી હતી, જેનો ટ્રમ્પે તેમની સોશિયલ મીડિયા પોસ્ટમાં ઉલ્લેખ કર્યો હતો. ઈરાનના વિદેશ પ્રધાન સૈયદ અબ્બાસ અરાઘચીએ પણ પાકિસ્તાનના વડા પ્રધાન શાહબાઝ શરીફ અને ફિલ્ડ માર્શલ મુનીરનો આભાર માન્યો હતો.ટ્રમ્પે સોશિયલ મીડિયા પોસ્ટમાં જણાવ્યું હતું કે, "હું બે અઠવાડિયાના સમયગાળા માટે ઈરાન પર બોમ્બમારો અને હુમલાઓ સ્થગિત કરવા સંમત છું. આ દ્વિપક્ષીય યુદ્ધવિરામ હશે."ટ્રમ્પે કહ્યું હતું કે, "પાકિસ્તાનના વડા પ્રધાન શાહબાઝ શરીફ અને ફિલ્ડ માર્શલ અસીમ મુનીર સાથેની મારી વાતચીત અને તેમની વિનંતી મુજબ હું આજે રાત્રે ઈરાનમાં મોકલવામાં આવી રહેલા વિનાશક લશ્કરી દળને આ શરતે રોકીશ કે ઈરાન હોર્મુઝ સ્ટ્રેટને સંપૂર્ણપણે, તાત્કાલિક અને સુરક્ષિત રીતે ખોલવા માટે સંમત થાય."ટ્રમ્પે કહ્યું હતું કે, "આમ કરવાનું કારણ એ છે કે અમે પહેલાથી જ બધા લશ્કરી ઉદ્દેશ્યો પૂર્ણ કરી લીધા છે અને તેને પાર કરી ચૂક્યા છીએ અને અમે ઈરાન સાથે લાંબા ગાળાની શાંતિ અને મધ્ય પૂર્વમાં શાંતિ માટે એક મજબૂત કરારની ખૂબ નજીક છીએ. મને ઈરાન તરફથી 10-મુદ્દાનો પ્રસ્તાવ મળ્યો છે અને અમે માનીએ છીએ કે તે વાટાઘાટો માટે એક વ્યવહારુ આધાર છે. અમેરિકા અને ઈરાન લગભગ તમામ ભૂતકાળના વિવાદો પર સંમત થયા છે પરંતુ કરારને અંતિમ સ્વરૂપ આપવા અને પૂર્ણ કરવા માટે આ બે અઠવાડિયાનો સમયગાળો જરૂરી છે. અમેરિકાના રાષ્ટ્રપતિ તરીકે અને મધ્ય પૂર્વના દેશોનું પ્રતિનિધિત્વ કરતા આ લાંબા સમયથી ચાલી આવતી સમસ્યાના ઉકેલની નજીક પહોંચવું મારા માટે સન્માનની વાત છે."અરાઘચીએ શાહબાઝ અને મુનીરનો આભાર માન્યોઈરાનના વિદેશ પ્રધાન સૈયદ અબ્બાસ અરાઘચીએ પાકિસ્તાનના વડા પ્રધાન શાહબાઝ શરીફ અને ફિલ્ડ માર્શલ મુનીરનો અમેરિકા અને ઈરાન વચ્ચે બે અઠવાડિયાના યુદ્ધવિરામમાં મધ્યસ્થી કરવામાં તેમની મુખ્ય ભૂમિકા બદલ આભાર માન્યો હતો. "ઈરાન તરફથી, હું આપણા પ્રિય ભાઈઓ, પાકિસ્તાની વડા પ્રધાન શરીફ અને ફિલ્ડ માર્શલ મુનીરનો આ ક્ષેત્રમાં યુદ્ધનો અંત લાવવા માટે તેમના અથાક પ્રયાસો બદલ આભાર અને પ્રશંસા વ્યક્ત કરું છું. વડા પ્રધાન શરીફ દ્વારા ભાઈચારાની વિનંતી કરાયેલા ટ્વીટ અને તેના 15-પોઇન્ટ પ્રસ્તાવના આધારે વાટાઘાટો માટે અમેરિકા વિનંતીને ધ્યાનમાં લેતા અને યુએસ રાષ્ટ્રપતિ દ્વારા વાટાઘાટો માટે આધાર તરીકે ઈરાનના 10-પોઇન્ટ પ્રસ્તાવના સામાન્ય માળખાને સ્વીકારવાની જાહેરાતના જવાબમાં હું ઈરાનની સુપ્રીમ નેશનલ સિક્યુરિટી કાઉન્સિલ તરફથી જાહેરાત કરું છું કે જો ઈરાન સામે હુમલાઓ બંધ કરવામાં આવે છે તો અમારી શક્તિશાળી સશસ્ત્ર દળો તેમની રક્ષણાત્મક કામગીરી બંધ કરશે. વધુમાં, હોર્મુઝ સ્ટ્રેટ દ્વારા સુરક્ષિત પરિવહન બે અઠવાડિયા માટે શક્ય બનશે."

08/04/2026 14:01:50

US Iran War LIVE: યુદ્ધવિરામ પર રશિયાના વિદેશ મંત્રાલયનું નિવેદન

રશિયાના વિદેશ મંત્રાલયના પ્રવક્તા મારિયા ઝખારોવાએ જણાવ્યું હતું કે અમેરિકા અને ઇઝરાયલે 28 ફેબ્રુઆરીએ ઈરાન પર "એકપક્ષીય, આક્રમક અને ઉશ્કેરણી વિનાનો હુમલો" કર્યો હતો, જેના પરિણામે તેમની "કારમી હાર" થઈ હતી. તેમણે સ્પુતનિક રેડિયો પર કહ્યું હતું કે, "અમારા દેશે શરૂઆતથી જ પોતાના પહેલા નિવેદનોમાં કહ્યું છે કે આ આક્રમણ તાત્કાલિક બંધ થવું જોઈએ. 

08/04/2026 14:01:32

US Iran War LIVE: ઇઝરાયલે દક્ષિણ લેબનોનના શહેર સૂરના રહેવાસીઓને ચેતવણી આપી છે

ઇઝરાયલે દક્ષિણ લેબનોનના શહેર સૂરના રહેવાસીઓને આ વિસ્તાર ખાલી કરવાનો આદેશ આપ્યો છે. ઇઝરાયલી સૈન્યએ રહેવાસીઓને તાત્કાલિક તેમના ઘરો ખાલી કરવા અને તેમની સલામતી સુનિશ્ચિત કરવા માટે ઝહરાની નદીની ઉત્તરે જવા વિનંતી કરી છે. નોંધનીય છે કે ઇઝરાયલે અગાઉ કહ્યું હતું કે તે રાષ્ટ્રપતિ ટ્રમ્પના બે અઠવાડિયા માટે ઈરાન સામે હુમલાઓ રોકવાના શરતી નિર્ણયને સમર્થન આપે છે. જો કે, ઇઝરાયલે કહ્યું હતું કે આ યુદ્ધવિરામ લેબનોન પર લાગુ થશે નહીં.

08/04/2026 11:45:30

US-Iran War Live: 'યુદ્ધવિરામનો અર્થ યુદ્ધનો અંત નથી'

ઈરાનની સુપ્રીમ નેશનલ સિક્યુરિટી કાઉન્સિલ દ્વારા જાહેર કરાયેલા એક નિવેદનમાં કહેવામાં આવ્યું છે કે યુદ્ધવિરામનો અર્થ યુદ્ધનો અંત નથી. તેમાં ઉમેર્યું હતું કે, "અમેરિકન પક્ષ સાથે શુક્રવાર, 10 એપ્રિલે પાકિસ્તાનના ઇસ્લામાબાદમાં સંપૂર્ણ વિશ્વાસ સાથે વાતચીત શરૂ થશે." સુપ્રીમ નેશનલ સિક્યુરિટી કાઉન્સિલે એમ પણ ઉમેર્યું હતું કે, "જીતને અંતિમ સ્વરૂપ આપવામાં આવે ત્યાં સુધી અમને એકતાની આવશ્યકતા છે."

08/04/2026 11:45:11

US-Iran War Live: ટ્રમ્પે યુદ્ધવિરામને અમેરિકા માટે "સંપૂર્ણ અને નિર્ણાયક વિજય" ગણાવ્યો

એએફપી ન્યૂઝ એજન્સી સાથેની એક મુલાકાતમાં અમેરિકાના રાષ્ટ્રપતિ  ડોનાલ્ડ ટ્રમ્પે કહ્યું હતું કે ઈરાન સાથે બે અઠવાડિયાના યુદ્ધવિરામ માટે સંમત થયા પછી અમેરિકાએ "સંપૂર્ણ અને નિર્ણાયક વિજય" હાંસલ કર્યો છે. તેમણે એમ પણ કહ્યું હતું કે યુદ્ધવિરામ કરાર હેઠળ ઈરાનના યુરેનિયમ ભંડારની "સંપૂર્ણ કાળજી" લેવામાં આવશે અને તેમણે એ પણ નિર્દેશ કર્યો હતો કે ચીને ઈરાનને અમેરિકા સાથે વાટાઘાટો કરવા માટે મનાવવામાં મદદ કરી હતી.

08/04/2026 10:32:25

US-Iran War: દક્ષિણ લેબનોનમાં ઇઝરાયલી હુમલો

અલ જદીદ ટીવીના રિપોર્ટ અનુસાર, ઇઝરાયલી સેનાએ દક્ષિણ લેબનોનના બરાચિત શહેરમાં ગોળીબાર કર્યો છે. આ હુમલો ઇઝરાયલી વડા પ્રધાન બેન્જામિન નેતન્યાહૂના કાર્યાલય દ્વારા જણાવવામાં આવ્યા બાદ થયો છે કે લેબનોન અમેરિકા અને ઈરાન વચ્ચેના યુદ્ધવિરામમાં સામેલ નથી.

08/04/2026 10:31:55

US-Iran War: યુએન સેક્રેટરી જનરલ યુદ્ધવિરામનું સ્વાગત કર્યું

યુએન સેક્રેટરી જનરલે કહ્યું, "તેઓ અમેરિકા અને ઈરાન દ્વારા જાહેર કરાયેલ બે અઠવાડિયાના યુદ્ધવિરામનું સ્વાગત કરે છે અને પાકિસ્તાન અને યુદ્ધવિરામમાં ફાળો આપનારા અન્ય દેશોના પ્રયાસો માટે તેમની પ્રશંસા વ્યક્ત કરે છે."

08/04/2026 10:31:35

US-Iran War: વ્હાઇટ હાઉસ યુદ્ધવિરામને અમેરિકાની જીત ગણાવી

વ્હાઇટ હાઉસના પ્રેસ સેક્રેટરી કેરોલિન લેવિટે કહ્યું હતું કે, "આ અમેરિકા માટે વિજય છે, જે રાષ્ટ્રપતિ ટ્રમ્પ અને અમારી અદ્ભૂત સૈન્ય દ્વારા શક્ય બન્યો છે. ઓપરેશન એપિક ફ્યુરીની શરૂઆતથી જ રાષ્ટ્રપતિ ટ્રમ્પે અનુમાન લગાવ્યું હતું કે તે 4-6 અઠવાડિયાનું અભિયાન હશે." અમારા સૈનિકોની અદ્ભૂત ક્ષમતાઓને કારણે અમે 38 દિવસમાં અમારા પ્રાથમિક લશ્કરી ઉદ્દેશ્યો પ્રાપ્ત કર્યા અને તેને પાર કર્યા. આપણી સેનાની સફળતાએ મહત્તમ લાભ મેળવ્યો, જેનાથી રાષ્ટ્રપતિ ટ્રમ્પ અને તેમની ટીમ મુશ્કેલ વાટાઘાટોમાં જોડાઈ શક્યા જેણે હવે રાજદ્વારી ઉકેલ અને લાંબા ગાળાની શાંતિનો માર્ગ ખોલ્યો છે. વધુમાં રાષ્ટ્રપતિ ટ્રમ્પે હોર્મુઝ સ્ટ્રેટ ફરીથી ખોલ્યું. અમેરિકાના હિતોને આગળ વધારવા અને શાંતિ પ્રાપ્ત કરવાની રાષ્ટ્રપતિ ટ્રમ્પની ક્ષમતાને ક્યારેય ઓછી ન આંકશો.

08/04/2026 10:31:12

US-Iran War: પ્રિયંકા ગાંધી વાડ્રાએ ઈરાનના લોકોની પ્રશંસા કરી

કોંગ્રેસ સાંસદ પ્રિયંકા ગાંધી વાડ્રાએ ઈરાનના લોકોની પ્રશંસા કરી હતી. તેમણે  પોસ્ટ કર્યું હતું કે, "પશ્વિમી શક્તિઓ દ્વેષપૂર્ણ ભાષાનો ઉપયોગ કરતા 'એક સભ્યતાનો અંત'ની જાહેરાત વચ્ચે ઈરાની લોકોએ તેમના દેશના સંસાધનોની આસપાસ માનવ સાંકળ બનાવી. આખી દુનિયા જોઈ રહી છે અને સમજી રહી છે કે પશ્ચિમના ચહેરા પરથી નૈતિકતાનો પડદો કેવી રીતે ઉંચકાઈ રહ્યો છે. નફરત, ગુસ્સો, હિંસા અને અન્યાય ક્યારેય જીતતો નથી. સાહસ હંમેશા જીતે છે."

08/04/2026 10:30:56

Iran US War: ઈરાને યુદ્ધવિરામમાં લેબનોનનો સમાવેશ કરવાની માંગ કરી

ઈઝરાયેલી ન્યૂઝ આઉટલેટ્સે અહેવાલમાં જણાવ્યું હતું કે ઈરાને યુદ્ધવિરામમાં લેબનોનને સમાવવાનો આગ્રહ રાખ્યો છે. ઇઝરાયલના ચેનલ 12ના એક સુરક્ષા અધિકારીને ટાંકીને અહેવાલ આપ્યો છે કે ઇરાનીઓએ લેબનોનમાં પણ યુદ્ધવિરામ લંબાવવાની માંગ કરી છે, જ્યાં ઇઝરાયલ દેશના દક્ષિણ ભાગ પર હુમલો કરી રહ્યું છે. અગાઉ, ઇઝરાયલી સંરક્ષણ પ્રધાન સહિત ઇઝરાયલી અધિકારીઓએ ભાર મૂક્યો હતો કે હિઝબુલ્લાહ સાથેની લડાઈ ઇરાન સામેના યુદ્ધથી "સ્વતંત્ર" છે.

08/04/2026 10:30:35

Iran US War: યુદ્ધવિરામની જાહેરાત પછી ઇરાનમાં ઉજવણી

અમેરિકા અને ઇરાન વચ્ચે યુદ્ધવિરામ કરાર બાદ ઇરાનમાં લોકો ઇરાની રાજધાનીમાં ઇરાની ધ્વજ લહેરાવતા અને યુદ્ધવિરામની ઉજવણી કરતા જોવા મળ્યા હતા, જે 28 ફેબ્રુઆરીથી યુએસ અને ઇઝરાયલી હુમલાઓ હેઠળ છે.

 

08/04/2026 08:19:44

Middle East War: ઈરાનના સુપ્રીમ લીડર દ્વારા સૈનિકોને યુદ્ધવિરામનો આદેશ

ઈરાનના સુપ્રીમ લીડર દ્વારા તમામ લશ્કરી એકમોને ગોળીબાર બંધ કરવાનો આદેશ આપવામાં આવ્યો છે. અમેરિકા સાથે કામચલાઉ યુદ્ધવિરામ કરારની જાહેરાત કર્યાના લગભગ બે કલાક પછી આ માહિતી સરકારી ન્યૂઝ ચેનલ IRIB પર વાંચવામાં આવી હતી. નેતાઓએ ભાર મૂક્યો હતો કે આ આદેશ યુદ્ધના અંતનો સંકેત આપતો નથી. તેમણે જણાવ્યું હતું કે વાટાઘાટો દ્વારા અંતિમ સમાધાન ન થાય ત્યાં સુધી સંઘર્ષ ચાલુ રહેશે.

આ જાહેરાત એવા સમયે કરવામાં આવી છે જ્યારે આ ક્ષેત્રમાં લડાઈ ચાલુ છે અને રાજદ્વારી પ્રયાસો છતાં બંને પક્ષો તેમની રક્ષણાત્મક તૈયારી જાળવી રાખે છે. બે અઠવાડિયાના યુદ્ધવિરામ માટે માળખાને સ્વીકાર્યા પછી ઈરાનનું તમામ દળોમાં યુદ્ધવિરામનું પગલું આવ્યું છે. જો કે, ઈરાને પોતાનું મક્કમ વલણ જાળવી રાખ્યું છે કે જો પરિસ્થિતિ વધુ વણસે તો દુશ્મનાવટ ફરી શરૂ થઈ શકે છે.

08/04/2026 08:19:24

Iran US War: હોર્મુઝ સ્ટ્રેટ ખોલવા પર વ્હાઇટ હાઉસનું નિવેદન

વ્હાઇટ હાઉસે અમેરિકા અને ઈરાન વચ્ચેના યુદ્ધવિરામ કરાર અંગે એક નિવેદન બહાર પાડ્યું છે. વ્હાઇટ હાઉસે દાવો કર્યો છે કે રાષ્ટ્રપતિ ડોનાલ્ડ ટ્રમ્પ લશ્કરી સમર્થનથી ઈરાનને હોર્મુઝ સ્ટ્રેટ ફરીથી ખોલવા દબાણ કરવામાં સફળ થયા છે.

08/04/2026 08:19:09

Iran US War: અમેરિકા-ઈરાન યુદ્ધવિરામ પર મોજતબા ખામેનીઈનું નિવેદન

ઈરાનના સર્વોચ્ચ નેતા મોજતબા ખામેનીઈએ તમામ લશ્કરી એકમોને ગોળીબાર બંધ કરવાનો આદેશ આપ્યો હોવાના અહેવાલ છે. સરકારી સમાચાર ચેનલ IRIB પર પ્રસારિત એક નિવેદનમાં કહેવામાં આવ્યું છે કે, "આ યુદ્ધનો અંત નથી, પરંતુ તમામ લશ્કરી જૂથોએ સુપ્રીમ લીડરના આદેશોનું પાલન કરવું જોઈએ અને ગોળીબાર બંધ કરવો જોઈએ."

08/04/2026 08:18:30

Iran US War: યુદ્ધવિરામની જાહેરાત બાદ ઈરાનમાં ઉજવણી

અમેરિકા અને ઈરાન વચ્ચે યુદ્ધવિરામ કરાર બાદ ઈરાનના લોકો ઈરાની ધ્વજ લહેરાવતા અને ઈરાની રાજધાનીમાં યુદ્ધવિરામની ઉજવણી કરતા જોવા મળ્યા, જે 28 ફેબ્રુઆરીથી અમેરિકા અને ઇઝરાયલી હુમલાઓનો ભોગ બની રહ્યું છે.

08/04/2026 07:27:24

US-Iran War: અમેરિકા-ઈરાન યુદ્ધવિરામ પર શાહબાઝ શરીફનું નિવેદન

યુદ્ધવિરામની શરતો પર ચર્ચા કરવા માટે ઈરાન અને અમેરિકા વચ્ચે 10 એપ્રિલે એક બેઠક યોજાશે. પાકિસ્તાનના વડા પ્રધાન શાહબાઝ શરીફે આ અંગે એક નિવેદન જાહેર કર્યું છે.

08/04/2026 07:27:02

US-Iran War: યુદ્ધવિરામથી ઈઝરાયલ નાખુશ - રિપોર્ટ

ફોક્સ ન્યૂઝ અનુસાર, ઈઝરાયલની સરકાર ઈરાન સાથેના અમેરિકાના રાષ્ટ્રપતિ ડોનાલ્ડ ટ્રમ્પના બે અઠવાડિયાના યુદ્ધવિરામની શરતોથી નાખુશ છે.

08/04/2026 07:18:41

US Iran War LIVE: આ પ્રસ્તાવમાં 10 મુદ્દા સામેલ છે

ઈરાન અને અમેરિકા વચ્ચે બે અઠવાડિયાના યુદ્ધવિરામ બાદ બંને દેશો વચ્ચે નવા રાજદ્વારી પ્રયાસો માટે તૈયારીઓ શરૂ થઈ ગઈ છે. ઈરાનની સુપ્રીમ નેશનલ સિક્યુરિટી કાઉન્સિલે પુષ્ટી કરી હતી કે બંને પક્ષો વચ્ચે શુક્રવાર, 10 એપ્રિલથી ઈસ્લામાબાદમાં વાટાઘાટો શરૂ થશે. ઈરાને પાકિસ્તાન દ્વારા અમેરિકાને એક વિગતવાર પ્રસ્તાવ મોકલ્યો છે, જેના પર હવે અમેરિકા વાટાઘાટો કરશે. ઈરાની મીડિયા અનુસાર, આ પ્રસ્તાવમાં 10 મુદ્દા સામેલ છે:

1. અહિંસા પ્રત્યે પ્રતિબદ્ધતા
2. હોર્મુઝ સ્ટ્રેટ પર ઈરાનનું સતત નિયંત્રણ
3. યુરેનિયમ સંવર્ધનનો સ્વીકાર
4. તમામ પ્રાથમિક પ્રતિબંધો હટાવવા
5. તમામ ગૌણ પ્રતિબંધો હટાવવા
6. યુએન સુરક્ષા પરિષદના તમામ ઠરાવો સમાપ્ત કરવા
7. ગવર્નર્સના તમામ બોર્ડ ઠરાવો સમાપ્ત કરવા
8. ઈરાનને વળતર ચૂકવવા
9. પ્રદેશમાંથી અમેરિકાની સેનાની વાપસી 
10. લેબનોનમાં હિઝબુલ્લાહ સામેની લડાઈ સહિત તમામ મોરચે યુદ્ધવિરામ.

08/04/2026 07:17:41

પાકિસ્તાની વડાપ્રધાને શું કહ્યું?

08/04/2026 07:17:06

US Iran War LIVE: ઈરાનની સુપ્રીમ નેશનલ સિક્યુરિટી કાઉન્સિલનો સંદેશ

ઈરાનની સુપ્રીમ નેશનલ સિક્યુરિટી કાઉન્સિલે સ્પષ્ટતા કરી છે કે જો ઈરાન પર હુમલા સંપૂર્ણપણે બંધ કરવામાં આવે છે, તો ઈરાનની સશસ્ત્ર દળો પણ તેમની રક્ષણાત્મક કાર્યવાહી બંધ કરશે. આનો અર્થ એ છે કે શાંતિ જાળવવા માટે બંને પક્ષોની સમાન જવાબદારી રહેશે. તેમાં બીજો એક મહત્વપૂર્ણ મુદ્દો પણ ઉઠાવવામાં આવ્યો હતો. આગામી બે અઠવાડિયા દરમિયાન ઈરાની સૈન્ય સાથે સંકલન કરીને અને તકનીકી મર્યાદાઓને ધ્યાનમાં રાખીને હોર્મુઝ સ્ટ્રેટ દ્વારા શિપિંગ સુનિશ્ચિત કરવામાં આવશે. આ વિસ્તાર વિશ્વ માટે ખૂબ જ મહત્વપૂર્ણ છે કારણ કે તેમાંથી મોટા પ્રમાણમાં તેલનું પરિવહન થાય છે.

08/04/2026 07:16:40

યુદ્ધવિરામનો અર્થ શું છે?

ઈરાન-અમેરિકા યુદ્ધવિરામનો અર્થ એ છે કે બંને બાજુથી હુમલાઓ થોડા સમય માટે બંધ કરવામાં આવશે. આ નિર્ણય એવા સમયે આવ્યો છે જ્યારે પરિસ્થિતિ અત્યંત તણાવપૂર્ણ રહી છે. આ યુદ્ધવિરામ એક દ્વિપક્ષીય કરાર છે, જે બંને પક્ષોની સંમતિથી લેવામાં આવેલ પગલું છે. એવી આશા છે કે આનાથી વધુ વાતચીતનો માર્ગ ખુલશે અને પરિસ્થિતિ શાંત થશે.