પીએમ કિસાન યોજનાનો 24મો હપ્તો ક્યારે આવશે? આ 3 કામ નહીં કરો તો અટવાઈ જશે ₹2000

કેન્દ્ર સરકારે યોજનાને 2030-31 સુધી લંબાવી જાણો નવો હપ્તો કયા મહિનામાં ખાતામાં જમા થશે અને તમારું લાભાર્થી સ્ટેટસ કેવી રીતે ચેક કરવું.

કેન્દ્ર સરકારની સૌથી લોકપ્રિય અને ખેડૂતો માટેની મહત્વાકાંક્ષી એવી 'પ્રધાનમંત્રી કિસાન સન્માન નિધિ (PM-KISAN)' યોજના અંગે એક મોટા અને રાહત આપનારા સમાચાર સામે આવ્યા છે. કેન્દ્રીય કેબિનેટે તાજેતરમાં જ આ યોજનાને વર્ષ 2030-31 સુધી લંબાવવાની મંજૂરી આપી દીધી છે, જેથી આગામી હપ્તાઓનું ચિત્ર એકદમ સ્પષ્ટ થઈ ગયું છે.

હવે ખેડૂતોના મનમાં સૌથી મોટો સવાલ એ છે કે યોજનાનો આગામી એટલે કે 24મો હપ્તો (₹2000) તેમના બેંક ખાતામાં ક્યારે ટ્રાન્સફર થશે? જોકે, ખેડૂતોએ એ ખાસ ધ્યાન રાખવું પડશે કે જો તેમણે 3 અત્યંત જરૂરી કામ પૂરા નહીં કર્યા હોય, તો આ ₹2000 નો હપ્તો અટવાઈ શકે છે.

PM કિસાન યોજના અંતર્ગત દર વર્ષે પાત્રતા ધરાવતા ખેડૂતોને કુલ ₹6000 ની આર્થિક સહાય પૂરી પાડવામાં આવે છે. આ રકમ ₹2000 ના ત્રણ સરખા હપ્તામાં, દર ચાર મહિને DBT (ડાયરેક્ટ બેનિફિટ ટ્રાન્સફર) મારફતે સીધી ખેડૂતોના બેંક ખાતામાં જમા થાય છે, જેનું વાર્ષિક ચક્ર એપ્રિલ-જુલાઈ, ઓગસ્ટ-નવેમ્બર અને ડિસેમ્બર-માર્ચ વચ્ચે રહે છે.

હાલમાં જ 23મો હપ્તો જારી કરવામાં આવ્યો છે, જે જોતાં યોજનાના નિયમિત ચક્ર મુજબ PM કિસાન યોજનાનો આગામી 24મો હપ્તો નવેમ્બર અને ડિસેમ્બર 2026 ની વચ્ચે દેશભરના લાખો પાત્ર ખેડૂતોના ખાતામાં ટ્રાન્સફર થવાની પૂરી શક્યતા છે.

આ હપ્તો સીધો તમારા ખાતામાં મેળવવા માટે પ્રથમ જરૂરી કામ e-KYC પ્રક્રિયા પૂર્ણ કરવાનું છે. આ પ્રક્રિયા તમે PM કિસાન પોર્ટલ (pmkisan.gov.in) પર જઈને આધાર OTP ની મદદથી જાતે જ કરી શકો છો, અથવા તો નજીકના CSC સેન્ટર પર જઈને બાયોમેટ્રિક વેરિફિકેશન દ્વારા પણ તેને પૂરી કરી શકો છો.

બીજું કામ પોર્ટલ પર તમારી ખેતીલાયક જમીનનું ડિજિટલ વેરિફિકેશન એટલે કે જમીન સીડિંગ (Land Seeding) કરાવવાનું છે, જેમાં 'No' દર્શાવતું હોય તો તાલુકા મથકે સંપર્ક કરવો. ત્રીજું કામ તમારું બેંક ખાતું આધાર કાર્ડ સાથે લિંક કરાવી તેમાં DBT નો વિકલ્પ એક્ટિવ કરાવવાનું છે.

Continues below advertisement

તમને આગામી હપ્તો મળશે કે નહીં તે જાણવા માટે pmkisan.gov.in પોર્ટલ પર 'Farmer Corner' માં 'Know Your Status' પર જાઓ. ત્યાં તમારો રજિસ્ટ્રેશન નંબર દાખલ કરીને ચેક કરો, જો e-KYC, જમીન સીડિંગ અને બેંક-આધાર લિંકિંગ સામે 'Yes' લખેલું હોય, તો તમારો આગામી હપ્તો એકદમ સુરક્ષિત છે.