આ દિવસે આવશે પીએમ કિસાન યોજનાના પૈસા, આ ખેડૂતોને નહી મળી શકે ફાયદો

PM Kisan Samman Nidhi Yojana: પીએમ કિસાન સન્માન નિધિનો આગામી હપ્તો ખેડૂતોના ખાતામાં ખૂબ જ જલ્દી પહોંચશે. આ યોજનાનો સીધો લાભ ખેડૂતોને મળે છે.

પ્રતિકાત્મક તસવીર

PM Kisan Samman Nidhi Yojana: પીએમ કિસાન સન્માન નિધિનો આગામી હપ્તો ખેડૂતોના ખાતામાં ખૂબ જ જલ્દી પહોંચશે. આ યોજનાનો સીધો લાભ ખેડૂતોને મળે છે.

સરકાર ખેડૂતોના લાભ માટે અનેક યોજનાઓ ચલાવી રહી છે. આમાંની એક યોજના પ્રધાનમંત્રી કિસાન સન્માન નિધિ યોજના છે. જેના દ્વારા દેશભરના કરોડો ખેડૂતોને આર્થિક લાભ આપવામાં આવી રહ્યો છે.

પીએમ કિસાન નિધિ યોજના હેઠળ અત્યાર સુધીમાં 15 હપ્તા આપવામાં આવ્યા છે. ખેડૂતો હવે 16મા હપ્તાની આતુરતાથી રાહ જોઈ રહ્યા છે.

વિવિધ મીડિયા અહેવાલો અનુસાર, 16મો હપ્તો 28 ફેબ્રુઆરીએ ખેડૂત ભાઈઓના ખાતામાં પહોંચશે. જો કે, જે ખેડૂતોએ ઇ-કેવાયસી કર્યું નથી અથવા અરજી ફોર્મ ભરવામાં ભૂલ કરી છે તેમને યોજનાનો લાભ મળશે નહીં.

પીએમ કિસાન યોજના દ્વારા દેશભરના ખેડૂતોને દર વર્ષે 6,000 રૂપિયાની આર્થિક સહાય આપવામાં આવે છે. યોજના હેઠળ ખેડૂતોને ત્રણ હપ્તામાં પૈસા મોકલવામાં આવે છે.

પ્રધાનમંત્રી કિસાન સન્માન નિધિ યોજનાને વિશ્વની સૌથી મોટી DBT યોજના પણ કહેવામાં આવે છે.ખેડૂતો પણ પોતાનું સ્ટેટ્સ ચકાસી શકે છે. સ્ટેટસ ચેક કરવા માટે તેઓએ પીએમ કિસાન યોજનાની સત્તાવાર સાઇટ pmkisan.gov.in પર જવું પડશે. અહીં તે પોતાનું સ્ટેટસ ચેક કરી શકશે.