આ તારીખે આવશે પીએમ કિસાન યોજનાના પૈસા, આ રીતે ચેક કરો પોતાનું સ્ટેટ્સ

કિસાન યોજનાનો 16મો હપ્તો ફેબ્રુઆરીમાં આપવામાં આવ્યો હતો. હવે ખેડૂતો 17મા હપ્તાની રાહ જોઈ રહ્યા છે. ચાલો જાણીએ કે યોજનાનો 17મો હપ્તો ક્યારે રીલિઝ કરવામાં આવશે.

આવી જ એક યોજના વર્ષ 2018માં શરૂ કરવામાં આવી હતી. જેનું નામ કિસાન સન્માન નિધિ યોજના છે, આ અંતર્ગત ખેડૂતોને વાર્ષિક 6 હજાર રૂપિયા આપવામાં આવે છે. ચાર મહિનાના અંતરે ખેડૂતોને 2,000 રૂપિયાના ત્રણ હપ્તા આપવામાં આવે છે. DBT દ્વારા ખેડૂતોને સીધા તેમના ખાતામાં પૈસા મળે છે.

અત્યાર સુધીમાં ખેડૂતોને 16 હપ્તા આપવામાં આવ્યા છે. 28 ફેબ્રુઆરી 2024ના રોજ સરકાર દ્વારા ખેડૂતોના ખાતામાં 16મો હપ્તો મોકલવામાં આવ્યો હતો. હવે ખેડૂતો 17મા હપ્તાની રાહ જોઈ રહ્યા છે. એવું અનુમાન લગાવવામાં આવી રહ્યું છે કે આ યોજનાનો 17મો હપ્તો 18 જૂનના રોજ રિલીઝ થઈ શકે છે.

9 જૂનના રોજ સરકાર બનાવ્યા બાદ વડાપ્રધાન મોદીએ સૌ પ્રથમ કિસાન સન્માન નિધિ યોજનાના આગામી હપ્તા પર હસ્તાક્ષર કર્યા હતા. તેથી હવે ખેડૂતોને હપ્તો જલ્દી મળવાની આશા હતી.

જો તમે ઇચ્છો તો તમે તમારા હપ્તાની સ્ટેટ્સ ઓનલાઇન ચેક કરી શકો છો. આ માટે સૌ પ્રથમ તમારે સ્કીમની સત્તાવાર વેબસાઇટ https://pmkisan.gov.in/ પર જવું પડશે.

આ પછી તમારે હોમ પેજ પર જઈને નીચે સ્ક્રોલ કરવાનું રહેશે અને Know Your Status પર ક્લિક કરવાનું રહેશે. આ પછી તમારી સામે એક નવું પેજ ખુલશે. જ્યાં તમને Know Your Registration Number નો વિકલ્પ મળશે. ત્યાં ક્લિક કરીને તમારે Get OTP પર ક્લિક કરવાનું રહેશે.

આ પછી તમારે નવા પેજ પર જવું પડશે અને સ્કીમ સાથે જોડાયેલ તમારો મોબાઇલ નંબર દાખલ કરવો પડશે અને કેપ્ચા ભરવો પડશે. આ પછી ગેટ ડેટા પર ક્લિક કર્યા પછી તમને યોજના સાથે સંબંધિત હપ્તાની માહિતી દેખાશે.