PM Kisan Yojana: ખેડૂતોને પીએમ કિસાન યોજનાનો આગામી હપ્તો ક્યારે મળશે? અહી જાણો જવાબ

PM Kisan Yojana: છેલ્લા કેટલાક વર્ષોથી પીએમ કિસાન યોજના હેઠળ દેશભરના તમામ ખેડૂતોને આર્થિક સહાય આપવામાં આવે છે.

પ્રતિકાત્મક તસવીર

PM Kisan Yojana: છેલ્લા કેટલાક વર્ષોથી પીએમ કિસાન યોજના હેઠળ દેશભરના તમામ ખેડૂતોને આર્થિક સહાય આપવામાં આવે છે.

આ યોજના હેઠળ ખેડૂતોને વાર્ષિક કુલ 6 હજાર રૂપિયા મળે છે, જેમાંથી ત્રણ હપ્તા ખેડૂતોના ખાતામાં જમા થાય છે.

PM કિસાન યોજનાના અત્યાર સુધીમાં 15 હપ્તા બહાર પાડવામાં આવ્યા છે/ સરકારી આંકડા મુજબ, કરોડો ખેડૂતોને તેનો લાભ અત્યાર સુધી મળ્યો છે.

હવે દેશભરના તમામ ખેડૂતો 2024ના પ્રથમ હપ્તાની અને પીએમ કિસાન યોજનાના 16મા હપ્તાની રાહ જોઈ રહ્યા છે.

સરકાર દ્વારા હજુ સુધી તારીખ જાહેર કરવામાં આવી નથી, પરંતુ આ સ્કીમ વિશે માહિતી આપતી વેબસાઈટ PM કિસાન સ્ટેટસે જણાવ્યું છે કે હપ્તો ક્યારે રિલીઝ થઈ શકે છે.

આ યોજનાનો 16મો હપ્તો આ વર્ષે ફેબ્રુઆરી સુધીમાં ખેડૂતોને આપવામાં આવી શકે છે. આ પહેલા ખેડૂતોને KYC પૂર્ણ કરવાની સલાહ આપવામાં આવી રહી છે.

PM કિસાન યોજનાનો 15મો હપ્તો નવેમ્બર 2023માં બહાર પાડવામાં આવ્યો હતો. સરકાર અનુસાર, 8 કરોડથી વધુ ખેડૂતોને 18,000 કરોડ રૂપિયાથી વધુની રકમ આપવામાં આવી હતી.