PM Kisan Yojana: પીએમ કિસાન મોબાઇલ એપથી ચપટીમાં કરો કેવાયસી, નહીં અટકે એકપણ હપ્તો

પીએમ કિસાન યોજના હેઠળ સરકાર એક વર્ષમાં ખેડૂતોના ખાતામાં કુલ 6,000 રૂપિયા જમા કરે છે

(પ્રતિકાત્મક તસવીર)

PM Kisan Yojana: પીએમ કિસાન યોજનાના પૈસા ત્યારે જ ખાતામાં આવે છે જ્યારે e-KYC પૂર્ણ થયેલું હોય છે, ઘણા ખેડૂતોને થોડા દિવસો પહેલા હપ્તાના પૈસા મળ્યા નથી. પીએમ કિસાન યોજના હેઠળ, કેન્દ્ર સરકાર દ્વારા દેશભરના કરોડો ખેડૂતોને નાણાકીય સહાય પૂરી પાડવામાં આવે છે.

પીએમ કિસાન યોજના હેઠળ સરકાર એક વર્ષમાં ખેડૂતોના ખાતામાં કુલ 6,000 રૂપિયા જમા કરે છે, જે ત્રણ હપ્તામાં ટ્રાન્સફર થાય છે.

થોડા દિવસો પહેલા જ પીએમ નરેન્દ્ર મોદીએ પીએમ કિસાન યોજનાનો 16મો હપ્તો જાહેર કર્યો હતો, જેમાં એક સાથે 8 કરોડથી વધુ ખેડૂતોના ખાતામાં પૈસા જમા કરવામાં આવ્યા હતા.

એવા ઘણા ખેડૂતો છે જેમણે પીએમ કિસાન યોજના હેઠળ નોંધણી કરાવી છે, જેમને 16મા હપ્તાના પૈસા મળી શક્યા નથી કારણ કે તેઓએ ખાતાની કેવાયસી પૂર્ણ કરી નથી.

તમામ ખેડૂતો સરળતાથી તેમની KYC પૂર્ણ કરી શકે છે, આ માટે સરકાર દ્વારા PM કિસાન મોબાઈલ એપ પણ લોન્ચ કરવામાં આવી છે, જેના દ્વારા KYC કરવામાં આવે છે.

આ એપની વિશેષતા એ છે કે, તે ફેસ ઓથેન્ટિકેશન સાથે જોડાયેલ છે, આ ફિચરથી દૂરના ગામમાં બેઠેલો ખેડૂત પણ પોતાના ચહેરાને સ્કેન કરીને ઈ-કેવાયસી પૂર્ણ કરી શકે છે.

PM કિસાન એપમાં ખેડૂતોને ઘણી વધુ સુવિધાઓ પણ આપવામાં આવી છે, જેના દ્વારા તેઓ તેમના ખાતા અને તેમની સ્થિતિ પણ ચકાસી શકે છે.