PM Kisan Yojana: આ ખેડૂતોના ખાતામાં નહી આવે પીએમ કિસાન યોજનાનો આગામી હપ્તો, જાણો કારણ

PM Kisan Yojana: પીએમ કિસાન યોજનાનો આગામી હપ્તો મે અથવા જૂનમાં આવી શકે છે, તે પહેલાં ખેડૂતોએ તમામ જરૂરી બાબતો પૂર્ણ કરવી જોઈએ.

પ્રતિકાત્મક તસવીર

PM Kisan Yojana: પીએમ કિસાન યોજનાનો આગામી હપ્તો મે અથવા જૂનમાં આવી શકે છે, તે પહેલાં ખેડૂતોએ તમામ જરૂરી બાબતો પૂર્ણ કરવી જોઈએ.પીએમ કિસાન યોજના હેઠળ કેન્દ્ર સરકાર દ્વારા દેશભરના કરોડો ખેડૂતોને નાણાકીય સહાય પૂરી પાડવામાં આવે છે.

આ યોજના હેઠળ ખેડૂતોને દર વર્ષે 6,000 રૂપિયા મળે છે, આ પૈસા દરેક રૂપિયા 2,000ના ત્રણ હપ્તામાં આવે છે.

થોડા અઠવાડિયા પહેલા જ વડાપ્રધાન નરેન્દ્ર મોદીએ પીએમ કિસાન યોજનાનો 16મો હપ્તો જાહેર કર્યો હતો, જેમાં 9 કરોડથી વધુ ખેડૂતોના ખાતામાં પૈસા જમા કરવામાં આવ્યા હતા.

હવે PM કિસાન યોજનાનો 17મો હપ્તો આવતા થોડા મહિનામાં રિલીઝ થવા જઈ રહ્યો છે, પરંતુ એવા ઘણા ખેડૂતો હશે જેમના ખાતામાં પૈસા નહીં આવે.

જે ખેડૂતોએ તેમનું ઈ-કેવાયસી પૂર્ણ કર્યું નથી, આધાર કાર્ડ લિંક કર્યું નથી અને તેમની જમીનને વેરિફાઇ કરી નથી તેમને આ યોજનાનો લાભ મળશે નહીં.

છેલ્લા હપ્તા દરમિયાન પણ આવા ઘણા ખેડૂતોના ખાતામાં પૈસા આવ્યા ન હતા, આવી સ્થિતિમાં ખેડૂતોએ પહેલા આ કામ ચોક્કસપણે કરવું જોઈએ.ખેડૂતો PM કિસાન યોજના એપ અથવા PM કિસાન યોજનાની અધિકૃત વેબસાઈટ પર જઈને તેમનું ઈ-KYC કરી શકે છે. આ માટે સરકાર દ્વારા સુવિધા કેન્દ્રો પણ ખોલવામાં આવે છે.