Mahashivratri 2025: મહાકુંભમાં મહાશિવરાત્રી પર શું વિશેષ છે, આ દિવસે શું કરવું જોઇએ

Mahashivratri 2025: મહાશિવરાત્રી 26 ફેબ્રુઆરીએ ઉજવવામાં આવશે. જાણો આ વર્ષની મહાશિવરાત્રીમાં શું ખાસ છે, શિવપૂજાનું ફળ તમને કેવી રીતે મળશે. આ વર્ષે 26 ફેબ્રુઆરી 2025ના રોજ મહાશિવરાત્રીના દિવસે પ્રયાગરાજમાં મહાકુંભના અમૃત સ્નાનનો એક ખાસ સંયોગ બની રહ્યો છે. આવી સ્થિતિમાં શિવરાત્રી પર્વનું મહત્વ અનેકગણું વધી ગયું છે.

મહાશિવરાત્રી પર બ્રહ્મ મુહૂર્તમાં તીર્થસ્થળ પર નદીમાં સ્નાન કરો. જો તમે ઘરે હોવ તો પાણીમાં ગંગાજળ ભેળવીને સ્નાન કરો. શિવરાત્રીનું વ્રત રાખવાનો સંકલ્પ કરો.

માટીમાંથી શિવલિંગ બનાવો અને ગંગાજળથી જળાભિષેક કરો. પંચામૃત અર્પણ કરો.

નદીમાં પૂર્વજોના નામે તર્પણ કરો, કેસર મિશ્રિત ખીર અર્પણ કરો. રાત્રે ઘીનો દીવો પ્રગટાવો અને ચાર પ્રહરની પૂજા કરો

ગરીબો અને જરૂરિયાતમંદોને ચોખા, દૂધ, દહીં, ઘી, ખાંડ વગેરેનું દાન કરો. રાત્રી જાગરણ કરો અને ॐ त्र्यम्बकं यजामहे सुगन्धिं पुष्टिवर्धनम्। उर्वारुकमिव बन्धनान् मृत्योर्मुक्षीय मामृतात्નો જાપ કરો.

મહાશિવરાત્રી પર અમૃત સ્નાનનો શુભ સમય સવારે 5:09થી 5:59 સુધીનો છે. પ્રદોષ કાળ દરમિયાન શિવપૂજા માટેનો શ્રેષ્ઠ સમય સાંજે 6:19 થી 9:26 વાગ્યા સુધીનો રહેશે.