Hindu God in Japan: જાપાનમાં પણ હિન્દુ દેવી-દેવતાઓની થાય છે પૂજા! જાણો ભગવાન શિવ અને માં સરસ્વતીના અનોખા નામ

Hindu God in Japan: હિન્દુ ધર્મના દેવી-દેવતાઓની જેમ જાપાનમાં પણ આવા જ દેવતાઓ છે, જેમનુ રૂપ ભારતીય દેવતાઓ જેવુ જ છે. ચાલો જાણીએ ભગવાન શિવ અને સરસ્વતીજીના સ્વરૂપોના શું છે નામ ?

પ્રતિકાત્મક તસવીર

સનાતન ધર્મ એ વિશ્વના સૌથી જૂના ધર્મોમાંનો એક છે, જેના મૂળ સમગ્ર વિશ્વમાં ફેલાયેલા છે. શું તમે જાણો છો કે જાપાનમાં હિન્દુ દેવી-દેવતાઓની પૂજા અલગ અલગ નામોથી કરવામાં આવે છે. આજે અમે તમને જણાવીશું કે જાપાનમાં આ દેવી-દેવતાઓને કયા નામોથી બોલાવવામાં આવે છે.

જાપાનમાં બેંઝાઈતેનને માં સરસ્વતીના રુપમાં પૂજવામાં આવે છે. ભારતની જેમ જાપાનમાં પણ તેમને જ્ઞાન, સંગીત, વિદ્યા અને પવિત્ર જળની દેવી તરીકે પૂજવામાં આવે છે.

જાપાનમાં માં લક્ષ્મીને કિશોતન (Kishoten) ના રુપમાં કલ્યાણ, સમૃદ્ધિ, સૌંદર્ય અને અને સૌભાગ્યની દિવ્ય શક્તિના રુપમાં પૂજવામાં આવે છે.

જાપાની પરંપરાઓમાં દાયકોકુટેન (Daikokuten)ને શિવના સ્વરૂપ તરીકે પૂજવામાં આવે છે. જાપાનમાં દાયકોકુટેન ધન, સુરક્ષા અને શુભ ફળ આપનાર દેવતા તરીકે પૂજવામાં આવે છે.

જાપાનમાં કુબેરજીને વિશામોનતેન (Bishamonten)ના રુપમાં માની યુદ્ધ, ધર્મ અને દિવ્ય ધન- સંપત્તિના સ્વામીના રુપમાં પૂજવામાં આવે છે.

Continues below advertisement

જાપાનમાં ગણેશજીને કાંગિતેન (Kangiten)નું રુપ માની આનંદ, સફળતા, શુભ ફળ આપનાર અને દામ્પત્ય જીવનમાં સુખ આપનારા દેવતાના રુપમાં માને છે.

સ્વર્ગલોકના રાજા ઇન્દ્રની જેમ જાપાનમાં તૈશાકુતેન (Taishakutem)ની પૂજા કરવામાં આવે છે. તેમને જાપાનમાં ધર્મનું રક્ષણ કરનારા દૈવી દેવતા તરીકે પૂજવામાં આવે છે.

જાપાનની બૌદ્ધ પરંપરા અનુસાર બોનતેન (Bonten)નું રૂપ બ્રહ્મા જેવું લાગે છે. બ્રહ્માજી બ્રહ્માંડના સર્જનહાર અને દિવ્ય જ્ઞાનના સ્ત્રોત છે.

Disclaimer:  અહીં , પૂરી પાડવામાં આવેલ માહિતી માત્ર ધારણાઓ અને માહિતી પર આધારિત છે. એબીપી અસ્મિતા  કોઈપણ પ્રકારની માન્યતા, માહિતીને સમર્થન આપતું નથી.