Holashtak 2025: હોળાષ્ટક ક્યારે થશે સમાપ્ત? જાણો આ સમયમાં ક્યાં મંત્રોજાપથી કામનાની થાય છે પૂર્તિ

Holashtak 2025: હોળીના આઠ દિવસ પહેલા હોલાષ્ટક મનાવવામાં આવે છે, જેમાં 8 દિવસ સુધી શુભ કાર્યો પર પ્રતિબંધ છે. 7મી માર્ચથી હોલાષ્ટકનો પ્રારંભ થયો છે.

પ્રતીકાત્મક તસવીર ( ગૂગલમાંથી)

પંચાંગ અનુસાર દર વર્ષે ફાલ્ગુન માસની શુક્લ પક્ષની અષ્ટમીથી ફાલ્ગુન પૂર્ણિમા સુધીના સમયને હોલાષ્ટક કહેવામાં આવે છે. હિંદુ ધર્મમાં હોલાષ્ટકના આઠ દિવસ શુભ માનવામાં આવતા નથી. તેથી, આ સમયે કોઈ શુભ કાર્ય થતું નથી.

આ વર્ષે હોળાષ્ટક 7 માર્ચ શુક્રવારથી શરૂ થયા છે, જે 13 માર્ચે હોલિકા દહન સાથે સમાપ્ત થશે. હોળાષ્ટક હોળીના એક દિવસ પહેલા પૂર્ણ થાય છે.

હિંદુ ધર્મમાં હોલાષ્ટકના આઠ દિવસ શુભ માનવામાં આવતા નથી. તેનું કારણ એ છે કે આ સમય દરમિયાન ઘણા ગ્રહો અશુભ અને ક્રૂર સ્થિતિમાં હોય છે.

અષ્ટમી તિથિ પર ચંદ્ર, નવમી પર સૂર્ય, દશમી પર શનિ, એકાદશી પર શુક્ર, દ્વાદશી પર ગુરુ, ત્રયોદશી પર બુધ, ચતુર્દશી પર મંગળ અને પૂર્ણિમા પર રાહુ ગ્રહ રહે છે.

ગ્રહોની અશુભતાના કારણે હોળીના આઠ દિવસ પહેલા કોઈપણ નવી વસ્તુની ખરીદી, લગ્ન, મિલકત કે વાહનની ખરીદી અને કોઈપણ નવું કાર્ય શરૂ કરવાની મનાઈ છે.

હોલાષ્ટક દરમિયાન શુભ કાર્યો કરવામાં આવતા નથી, પરંતુ આ આઠ દિવસ પૂજા અને ધાર્મિક કાર્યો માટે ખૂબ જ શુભ છે. આ સમયે મહામૃત્યુંજય મંત્રનો જાપ અને ભગવાન વિષ્ણુ અને હનુમાનજીની પૂજા કરવાથી સાધનાનું શીઘ્ર ફળ મળે છે.