લક્ઝરી લૂક, એરક્રાફ્ટ જેવું કેબિન, 682 km રેન્જ, Mahindra ની નવી ઇલેક્ટ્રિક SUV એ બનાવ્યા બધાને દિવાના

Mahindra BE 6e Launched in India: મહિન્દ્રાની નવી ઈલેક્ટ્રિક SUV, જે ખૂબ જ ફ્યૂચર ડિઝાઇન સાથે રજૂ કરવામાં આવી છે, તેની ખૂબ પ્રશંસા થઈ રહી છે. આ SUVની કિંમત 18.90 લાખ રૂપિયાથી શરૂ થાય છે.

લાંબા સમયથી મહિન્દ્રાની ઈલેક્ટ્રિક SUV વિશે ઘણી ચર્ચા થઈ રહી હતી, ત્યારબાદ હવે આખરે કંપનીએ Mahindra BE 6eને સત્તાવાર રીતે લૉન્ચ કરી દીધી છે. કંપનીએ આ SUVને 18 લાખ 90 હજાર રૂપિયાની શરૂઆતની કિંમતમાં લૉન્ચ કરી છે.

Mahindra BE 6e પહેલી ઇલેક્ટ્રિક SUV હશે જે Inglobe પ્લેટફોર્મ પર બનાવવામાં આવશે. કંપનીનું કહેવું છે કે ગ્રાહકોને માર્ચ 2025થી તેમની ડિલિવરી મળવાનું શરૂ થશે. કંપનીએ આ SUVને ખૂબ જ ફ્યૂચર ડિઝાઇન સાથે રજૂ કરી છે. હાલમાં તેના બેઝ વેરિઅન્ટની કિંમત જાહેર કરવામાં આવી છે.

Mahindra BE 6e બે પ્રકારના ટ્યૂનિંગ સાથે લાવવામાં આવ્યું છે, જેમાં 59kWh વેરિઅન્ટ 228 bhpનો પાવર જનરેટ કરી શકે છે જ્યારે 79kWh વેરિઅન્ટ 281hpનો પાવર જનરેટ કરી શકે છે. બંને વેરિઅન્ટ 380Nmનો ટૉર્ક જનરેટ કરે છે.

BE 6eમાં ઘણા શાનદાર ફિચર્સ આપવામાં આવ્યા છે. જેમાં ડ્યૂઅલ ઝૉન ક્લાઈમેટ કંટ્રોલ, ઈન્ટિગ્રેટેડ મલ્ટી કલર લાઈટિંગ પેટર્ન અને લેમિનેટેડ ગ્લાસ સાથેનું વિશાળ પેનોરેમિક સનરૂફ ઉપલબ્ધ છે. આ ઇલેક્ટ્રિક કારની કેબિન એરક્રાફ્ટ સ્ટાઇલમાં છે.

Mahindra BE 6e નું સ્ટીયરીંગ વ્હીલ ભવિષ્યવાદી છે. ઇન્સ્ટ્રૂમેન્ટેશન અને ઇન્ફૉટેનમેન્ટ માટે તેમાં 12.3-ઇંચની ડ્યૂઅલ ફ્લૉટિંગ સ્ક્રીન છે. ઇલેક્ટ્રિક એસયુવીમાં તમને મલ્ટી-ઝૉન ક્લાઈમેટ કંટ્રોલ અને મલ્ટીપલ ડ્રાઈવ મોડ્સ મળે છે. તેમાં વાયરલેસ ફોન ચાર્જિંગ અને AI ઈન્ટરફેસ છે,

BE 6e SUV માત્ર 6.7 સેકન્ડમાં 0-100 કિમી/કલાકની ઝડપ પકડી શકે છે. તેમાં ત્રણ ડ્રાઇવિંગ મૉડ આપવામાં આવ્યા છે. જેમાં રેન્જ એવરીડે અને રેસ મૉડનો સમાવેશ થાય છે. મોટા બેટરી પેક સિંગલ ચાર્જ પર 682 કિમીની રેન્જ આપે છે જ્યારે નાનું બેટરી પેક 550 કિમીની રેન્જ આપે છે.

Mahindra BE 6e ને નવું ટૂ-સ્પૉક અને ફ્લેટ બૉટમ સ્ટીયરિંગ વ્હીલ મળે છે. તેમાં મહિન્દ્રાનો પ્રકાશિત લોગો અને સેન્ટર કન્સૉલ પણ છે. આ કારનો ઈન્ટિરિયર લૂક કારના બાહ્ય દેખાવ જેટલો જ પ્રભાવશાળી છે.