ડુકાટીએ લોન્ચ કરી Panigale V2 સ્પેશિયલ એનિવર્સરી એડિશન બાઇક, કિંમત 21.3 લાખ રૂપિયા, જુઓ PICS

ઇટાલિયન સુપરબાઇક નિર્માતા ડુકાટીએ બુધવારે ભારતમાં તેની Panigale V2 મોટરસાઇકલની સ્પેશિયલ એનિવર્સરી એડિશન લોન્ચ કરી છે, જેની કિંમત રૂ. 21.3 લાખ (એક્સ-શોરૂમ) છે.

ડુકાટી ઈન્ડિયાએ એક નિવેદનમાં જણાવ્યું હતું કે, પાનીગલ V2 બેલીસ ફર્સ્ટ ચેમ્પિયનશિપ 20મી એનિવર્સરી મર્યાદિત સંખ્યામાં રજૂ કરવામાં આવી છે.

ડુકાટી ઇન્ડિયાએ જણાવ્યું હતું કે મર્યાદિત સંખ્યામાં રજૂ કરાયેલ આ મોટરસાઇકલ 2001માં ટ્રોય બેલિસ દ્વારા જીતેલા પ્રથમ વિશ્વ સુપરબાઇકના ડુકાટી 996Rથી પ્રેરિત છે.

કંપનીએ કહ્યું કે લિથિયમ-આયન બેટરી અને એક સીટરને કારણે આ નવું વેરિઅન્ટ Panigale V2 ના રેગ્યુલર મોડલ કરતાં ત્રણ કિલો ઓછું છે.

'Panigal V2 Bellis First Championship 20th Anniversary' એડિશન બાઇક 955cc ટ્વીન-સિલિન્ડર એન્જિન દ્વારા સંચાલિત છે.

આ 955 cc ટ્વીન-સિલિન્ડર એન્જિન 10,750 rpm પર 155 hpનો મહત્તમ પાવર અને 9,000 rpm પર 104 Nmનો મહત્તમ ટોર્ક જનરેટ કરે છે.