Car Care Tips: વરસાદની સિઝનમાં કારનું રાખવુ પડે છે ખાસ ધ્યાન, આ મેથડ અપનાવશો તો નહીં પડે તકલીફ

Car Care Tips Rain: ગુજરાતમાં અત્યારે વરસાદી મોહાલ જામ્યો છે, આ વરસાદી સિઝનમાં કારનું ખાસ ધ્યાન રાખવું જરૂરી છે, નહીં તો મોટી મુશ્કેલીમાં મુકાઇ શકાય છે.

કારને સેફ રાખવાની કેટલીક ટિપ્સ અહીં અમે તમને બતાવી રહ્યાં છીએ, જે તમારી કારને આ વરસાદની ઋતુમાં હેરાનગતિથી બચાવશે, અને સાથે ગંભીર નુકસાન પણ નહીં થાય.

વરસાદી સિઝનમાં રસ્તાઓ પર પાણી ભરાઈ જાય છે. જેના કારણે કારની બૉડીને નુકસાન થવાનું જોખમ રહે છે. કારની બેટરીમાં પણ સમસ્યા હોઈ શકે છે.

વરસાદમાં કારની સુરક્ષા માટે કારમાં હંમેશા ઈમરજન્સી કીટ રાખો. જેમાં તમારે છત્રી, રેઈનકૉટ, ટૉર્ચ અને બેટરી અવશ્ય રાખવી જોઇએ.

આ સિઝનમાં હંમેશા વૉટરપ્રૂફ બેગ સાથે રાખો. આ સિવાય સંપૂર્ણ ટૂલ કીટ સાથે રાખો જેથી વાહનમાં કોઈ ખામી સર્જાય તો તેને તાત્કાલિક સુધારી શકાય. આ સાથે, ફર્સ્ટ એઇડ કીટ પણ સાથે રાખો.

કારમાં હંમેશા જંતુનાશક પદાર્થ રાખો કારણ કે આ સિઝનમાં ઘણા નાના જંતુઓ અને બેક્ટેરિયા વધે છે. જેના કારણે કારમાં ફૂગ પણ ફેલાઈ શકે છે. તેથી, કારને જંતુમુક્ત કરતા રહો.

વરસાદની સિઝનમાં હંમેશા તમારી કારના ટાયર ચેક કરતા રહો. લાગે છે કે ટાયર ઘસાઈ ગયા છે. પછી તરત જ તેમને બદલો. અન્યથા કાર સ્લીપ થવાનું જોખમ રહે છે. તેની સાથે હેડલાઇટ અને ફૉગ લેમ્પ પણ ચેક કરતા રહો.

વરસાદમાં કારની બ્રેક ચેક કરતા રહો. પાણીને કારણે બ્રેક ઢીલી થઈ જાય છે. તેથી બ્રેકની સ્થિતિ સારી રાખો.