FASTag Annual Pass ઘરે બેઠા ઓનલાઈન કેવી રીતે ખરીદશો? ફક્ત આ પાંચ સ્ટેપ રાખો યાદ

જૂન મહિનામાં રોડ ટ્રાન્સપોર્ટ અને હાઇવે મંત્રાલય એ દેશના વારંવાર મુસાફરી કરનારા મુસાફરો એક સસ્તું અને સરળ મુસાફરી સોલ્યુશન જાહેર કર્યું હતું. જેને FASTag વાર્ષિક પાસ નામ આપવામાં આવ્યું હતું.

પ્રતિકાત્મક તસવીર

જૂન મહિનામાં રોડ ટ્રાન્સપોર્ટ અને હાઇવે મંત્રાલય (MoRTH) એ દેશના વારંવાર મુસાફરી કરનારા મુસાફરો એક સસ્તું અને સરળ મુસાફરી સોલ્યુશન જાહેર કર્યું હતું. જેને FASTag વાર્ષિક પાસ નામ આપવામાં આવ્યું હતું. તે હાલના FASTag માળખા પર કામ કરે છે.

આનો અર્થ એ છે કે હવે નોન કોમર્શિયલ કાર, જીપ અને વાનના માલિકો વારંવાર ટોલ કપાતની ઝંઝટ વિના નેશનલ હાઈવે અને નેશનલ એક્સપ્રેસવે પર મુસાફરી કરી શકશે. આ નવો પાસ 15 ઓગસ્ટ 2025 થી લાગુ થવા જઈ રહ્યો છે. ચાલો પહેલા જાણીએ કે FASTag વાર્ષિક પાસ શું છે...

આ નવા પાસ સાથે તમે ફક્ત 3 હજાર રૂપિયામાં એક વર્ષ અથવા 200 ટોલ ક્રોસિંગનો લાભ મેળવી શકો છો. જો તમે 1 વર્ષ પહેલાં 200 ટોલ ક્રોસ કરો છો, તો તમારો પાસ સમાપ્ત થઈ જશે. એટલે કે, તમારે ફરીથી નવો પાસ મેળવવો પડશે.

આ પાસ ફક્ત NHAI અને રોડ ટ્રાન્સપોર્ટ મંત્રાલય હેઠળના રાષ્ટ્રીય ધોરીમાર્ગો અને એક્સપ્રેસવે પર જ માન્ય રહેશે. વાહન અને તેની સાથે જોડાયેલા FASTag ની ચકાસણી પછી જ પાસ એક્ટિવ થશે. જેમની પાસે પહેલાથી જ FASTag છે તેમને નવું FASTag ખરીદવાની જરૂર રહેશે નહીં.

IHMCL કહે છે કે આ પાસ હાલના FASTag પર એક્ટિવ કરી શકાય છે, જો FASTag વાહનના વિન્ડશિલ્ડ પર યોગ્ય રીતે ઇન્સ્ટોલ કરેલું હોય. ઉપરાંત તે માન્ય વાહન નોંધણી નંબર સાથે લિંક થયેલ હોવું જોઈએ એટલે કે VRN અને FASTag બ્લેકલિસ્ટ ન થવું જોઈએ.

તમારા મોબાઇલ પર રાજમાર્ગ યાત્રા એપ્લિકેશન ઇન્સ્ટોલ કરો અથવા NHAI ની સત્તાવાર વેબસાઇટની મુલાકાત લો. વાહન રજિસ્ટ્રેશન નંબર એટલે કે VRN અને FASTag ID દાખલ કરીને લોગિન કરો. અહીંથી હવે તમારે વાર્ષિક પાસનો વિકલ્પ પસંદ કરવાનો રહેશે. આ પછી UPI, ડેબિટ/ક્રેડિટ કાર્ડ અથવા નેટ બેંકિંગ દ્વારા 3,000 રૂપિયાની ચુકવણી પૂર્ણ કરો. ચુકવણી અને વેરિફિકેશન પછી પાસ તમારા હાલના FASTag સાથે લિંક થઈ જશે.