Bank Jobs 2024: બાયોડેટા તૈયાર રાખો! સરકારી બેંકમાં નોકરી મેળવવાની તક, આવતીકાલથી ફોર્મ ભરવાના શરૂ થશે

IDBI Bank Recruitment 2024: આઈડીબીઆઈ બેંકે 56 જગ્યાઓ માટે વેકેન્સી બહાર પાડી છે. જેના માટે ઉમેદવારો જલ્દીથી અરજી કરી શકશે.

બેંકમાં નોકરીની શોધમાં છો? તો તમારા માટે સુવર્ણ તક છે. આઈડીબીઆઈ બેંકે એક ભરતી નોટિફિકેશન જાહેર કર્યું છે. જેના અનુસાર બેંકમાં 50થી વધુ જગ્યાઓ પર ભરતી કરવામાં આવશે. આ અભિયાન માટે અરજી પ્રક્રિયા જલ્દી શરૂ થઈ જશે. ઇચ્છુક અને પાત્ર ઉમેદવારો અધિકૃત વેબસાઇટ પર જઈને અરજી કરી શકશે.

આ ભરતી અભિયાન દ્વારા બેંકમાં કુલ 56 જગ્યાઓ પર ભરતી કરવામાં આવશે. જેમાં 25 જગ્યાઓ આસિસ્ટન્ટ જનરલ મેનેજર (AGM) ગ્રેડ C અને 31 જગ્યાઓ મેનેજર ગ્રેડ B માટે છે.

AGM ગ્રેડ C માટે ઉમેદવાર પોસ્ટ ગ્રેજ્યુએટ હોવો જરૂરી છે. જ્યારે મેનેજર ગ્રેડ B માટે ઉમેદવાર ગ્રેજ્યુએટ હોવો જોઈએ. સાથે જ ઉમેદવારો પાસે જરૂરી અનુભવ હોવો જોઈએ.

જાહેરાત અનુસાર AGM પદ માટે વય મર્યાદા 28 વર્ષથી 40 વર્ષ રાખવામાં આવી છે. જ્યારે મેનેજર માટે 25 વર્ષથી 35 વર્ષની વચ્ચે હોવી જોઈએ.

આ ભરતી અભિયાન માટે ઉમેદવારોએ 1000 રૂપિયાની ફી ચૂકવવી પડશે. જ્યારે અનામત વર્ગ માટે ફી 200 રૂપિયા રાખવામાં આવી છે.

અરજી કરવા માટે પાત્ર ઉમેદવારો 1 સપ્ટેમ્બરથી 15 સપ્ટેમ્બર 2024 સુધી આઈડીબીઆઈ બેંકની અધિકૃત વેબસાઇટ www.idbibank.in પર જઈને ઓનલાઇન અરજી કરી શકે છે.