IBPS RRB Recruitment 2024: બેન્કમાં 9000થી વધુ ઓફિસરોના પદ માટે અરજીની વધુ એક તક, અંતિમ તારીખ લંબાવાઇ

Bank Jobs 2024: જો તમારી પાસે બેન્કમાં નોકરી મેળવવાની ઈચ્છા અને જરૂરી લાયકાત છે, તો આ તક ગુમાવશો નહીં. IBPS RRB હેઠળ ભરતી માટે અરજી કરવાની છેલ્લી તારીખ લંબાવવામાં આવી છે.

લિંક બંધ થયાના બીજા જ દિવસે એટલે કે આજે 28મી જૂને રજિસ્ટ્રેશન લિંક ફરી ઓપન કરવામાં આવી છે. જે ઉમેદવારોએ હજુ સુધી અરજી કરી નથી તેઓએ તાત્કાલિક ફોર્મ ભરવાનું રહેશે.

અરજી કરવાની અને ફી જમા કરવાની નવી છેલ્લી તારીખ 30 જૂન, 2024 છે. આ તારીખ પહેલા ફોર્મ ભરો અને ફી પણ જમા કરાવો.

આ સંદર્ભે જાહેર કરવામાં આવેલી નોટિસ જોવા અને અરજી કરવા માટે તમારે IBPSની સત્તાવાર વેબસાઇટ ibps.in પર જવું પડશે.

આ ભરતી અભિયાન દ્વારા કુલ 9923 ગ્રુપ A અધિકારીની જગ્યાઓ ભરવામાં આવશે. આ પોસ્ટ્સ સ્કેલ I, II, II અને ગ્રુપ B ઓફિસ આસિસ્ટન્ટ (મલ્ટીપર્પઝ) ની છે.

અરજી કરવાની ફી 850 રૂપિયા છે. અનામત કેટેગરીના ઉમેદવારોએ 175 રૂપિયા ફી ભરવાની રહેશે. પસંદગી માટે પરીક્ષાના અનેક રાઉન્ડ આપવાના રહેશે.

આ અંગેની કોઈપણ માહિતી અથવા અપડેટ્સ મેળવવા માટે તમે ઉપર જણાવેલ વેબસાઇટની મુલાકાત લઈ શકો છો. અહીંથી તમને તમામ માહિતી વિગતવાર મળી જશે.