ધોરણ 10 પાસ માટે BSFમાં નોકરી કરવાની તક, મળશે 81000થી વધુનો પગાર, જાણો અરજીની વિગતો

સત્તાવાર સૂચના અનુસાર, BSF ભરતી 2024 હેઠળ કુલ 38 જગ્યાઓ ભરવાની છે. આ પોસ્ટ્સ માટે અરજી કરનારા ઉમેદવારોએ 15 એપ્રિલ અથવા તે પહેલાં અરજી કરવાની રહેશે. જો તમે પણ આ પોસ્ટ્સ પર કામ કરવા માંગો છો, તો નીચે આપેલી આ બધી મહત્વની વાતો ધ્યાનથી વાંચો.

બોર્ડર સિક્યુરિટી ફોર્સ (BSF) ગ્રુપ C હેઠળ હેડ કોન્સ્ટેબલ અને કોન્સ્ટેબલની જગ્યાઓ માટે રસ ધરાવતા ઉમેદવારોની ભરતી કરી રહી છે. હેડ કોન્સ્ટેબલ (પ્લમ્બર) – 01 પોસ્ટ, હેડ કોન્સ્ટેબલ (સુથાર) – 01 પોસ્ટ, કોન્સ્ટેબલ (જનરેટર ઓપરેટર) – 13 જગ્યાઓ, કોન્સ્ટેબલ (જનરેટર મિકેનિક) – 14 જગ્યાઓ, કોન્સ્ટેબલ (લાઈનમેન) – 09 જગ્યાઓ

સત્તાવાર સૂચના અનુસાર, BSFમાં નોકરી મેળવવા માંગતા ઉમેદવારોની લઘુત્તમ વય 18 વર્ષ અને મહત્તમ વય 25 વર્ષ હોવી જોઈએ. હેડ કોન્સ્ટેબલ માટે પસંદ કરાયેલા ઉમેદવારોને 7મી સીપીસી મુજબ પે મેટ્રિક્સ લેવલ 04 હેઠળ રૂ. 25500 થી રૂ. 81100 સુધીનો માસિક પગાર આપવામાં આવશે.

કોન્સ્ટેબલ માટે પસંદ કરાયેલા ઉમેદવારોને 7મી સીપીસી મુજબ પે મેટ્રિક્સ લેવલ 03 દ્વારા રૂ. 21700 થી રૂ. 69100 સુધીનો માસિક પગાર ચૂકવવામાં આવશે.

BSF ભરતી 2024 હેઠળ, ઉમેદવારોની પસંદગી લેખિત પરીક્ષા, દસ્તાવેજોની ચકાસણી, ભૌતિક પ્રમાણભૂત કસોટી, શારીરિક કાર્યક્ષમતા કસોટી, પ્રેક્ટિકલ/ટ્રેડ ટેસ્ટ અને મેડિકલ ટેસ્ટના આધારે કરવામાં આવશે.