ITBP Recruitment 2024: ITBPમાં બહાર પડી અનેક પદો પર ભરતી, આ તારીખ સુધી કરી શકશો અરજી

ITBP Head Constable Recruitment 2024: ITBP દ્વારા 100 થી વધુ જગ્યાઓ માટે ભરતી કરવામાં આવી છે. જેના માટે ઉમેદવારો ઓફિશિયલ સાઈટ પર જઈને અરજી કરી શકે છે.

ફોટોઃ abp live

ITBP Head Constable Recruitment 2024: ITBP દ્વારા 100 થી વધુ જગ્યાઓ માટે ભરતી કરવામાં આવી છે. જેના માટે ઉમેદવારો ઓફિશિયલ સાઈટ પર જઈને અરજી કરી શકે છે.

ઈન્ડો તિબેટીયન બોર્ડર પોલીસ ફોર્સ (ITBP) દ્વારા એક નોટિફિકેશન જાહેર કરવામાં આવ્યું છે. જેમાં સંસ્થાએ હેડ કોન્સ્ટેબલ (એજ્યુકેશન એન્ડ સ્ટ્રેસ કાઉન્સેલર)ની જગ્યા માટે અરજીઓ મંગાવી છે. અરજી કરવા માટે ઉમેદવારો સત્તાવાર સાઇટની મુલાકાત લઈને અરજી કરી શકે છે. ભરતી માટે અરજી કરવાની પ્રક્રિયા શરૂ થઈ ગઈ છે.

આ ભરતી અભિયાન દ્વારા સંસ્થામાં 112 જગ્યાઓ ભરવામાં આવશે. અભિયાન અંતર્ગત હેડ કોન્સ્ટેબલ (એજ્યુકેશન અને સ્ટ્રેસ કાઉન્સેલર)ની જગ્યાઓ ભરવામાં આવશે.

અરજી કરનારા ઉમેદવારોએ માન્ય યુનિવર્સિટીમાંથી મનોવિજ્ઞાનની ડિગ્રી અથવા તેની સમકક્ષ ડિગ્રી અથવા બેચલર ઑફ એજ્યુકેશન અથવા બેચલર ઑફ ટીચિંગ અથવા માન્ય યુનિવર્સિટીમાંથી તેની સમકક્ષ ડિગ્રી હોવી આવશ્યક છે.

આ જગ્યાઓ માટેના ઉમેદવારોની પસંદગી લેખિત પરીક્ષા, શારીરિક કાર્યક્ષમતા કસોટી અને શારીરિક ધોરણ કસોટીના આધારે કરવામાં આવશે.

ભરતી માટે અરજી કરનારા ઉમેદવારોએ અરજી ફી તરીકે 100 રૂપિયા ચૂકવવાના રહેશે. જ્યારે અનુસૂચિત જાતિ, અનુસૂચિત જનજાતિ, મહિલા અને ઇ-સર્વિસમેનના ઉમેદવારોને ફીની ચુકવણીમાંથી મુક્તિ આપવામાં આવી છે.અરજી કરવા માટે ઉમેદવારે ITBP recruitment.itbpolice.nic.in ની સત્તાવાર વેબસાઇટની મુલાકાત લઈને અરજી કરવાની રહેશે. નોંધણીની છેલ્લી તારીખ 5 ઓગસ્ટ, 2024 છે.