Jobs: ગ્રેજ્યૂએટ છો તો અહીં કરો અરજી, મહિને 1 લાખ રૂપિયા પગારવાળી નોકરીની જાહેરાત....

NSIC Recruitment 2023: નેશનલ સ્મૉલ ઇન્ડસ્ટ્રીઝ કોર્પૉરેશન લિમિટેડે 50 થી વધુ જગ્યાઓ માટે ભરતી કરી છે. જેના માટે ઉમેદવારો ઓફિશિયલ સાઈટ પર જઈને અરજી કરી શકે છે.

NSIC જોબ્સ 2023:- નોકરી શોધી રહેલા ઉમેદવારો માટે સારા સમાચાર છે. નેશનલ સ્મૉલ ઈન્ડસ્ટ્રીઝ કોર્પૉરેશન લિમિટેડે આસિસ્ટન્ટ મેનેજરની જગ્યા પર ભરતી હાથ ધરી છે. જેના માટે અરજી કરવાની પ્રક્રિયા શરૂ થઈ ગઈ છે. રસ ધરાવતા અને લાયક ઉમેદવારો ઓફિશિયલ વેબસાઇટ nsic.co.in પર જઈને અને નૉટિફિકેશન જોઈને આ અભિયાન માટે અરજી કરી શકે છે. અભિયાન હેઠળ અરજી ફોર્મ ભરવાની છેલ્લી તારીખ 29 સપ્ટેમ્બર 2023 છે.

ખાલી જગ્યાની વિગતો:- આસિસ્ટન્ટ મેનેજરની કુલ 51 જગ્યાઓ આ ભરતી ડ્રાઈવ દ્વારા ભરવામાં આવશે.

લાયકાત:- આ અભિયાન માટે અરજી કરનાર ઉમેદવારો ગ્રેજ્યૂએટ, BE, B.Tech, CA પાસ હોવા જોઈએ.

ઉંમર મર્યાદા:- અરજી કરવા ઇચ્છુક ઉમેદવારોની ઉંમર 28 વર્ષ નક્કી કરવામાં આવી છે. વળી, અનામત કેટેગરીમાંથી અરજી કરનારા ઉમેદવારોને ઉચ્ચ વય મર્યાદામાં છૂટછાટ આપવામાં આવશે.

પગારઃ- આ પૉસ્ટ પર પસંદ કરાયેલા ઉમેદવારોને 30 હજાર રૂપિયાથી લઈને 1 લાખ 20 હજાર રૂપિયા સુધીનો પગાર આપવામાં આવશે.

અરજી ફી:- ભરતી માટે અરજી કરનારા ઉમેદવારોએ 1500 રૂપિયાની ફી ચૂકવવાની રહેશે.