યુવાઓ માટે રેલવે કોચ ફેક્ટરીમાં કામ કરવાની તક, 10 અને 12 પાસ કરી શકશે અરજી

Railway Coach Factory Vacancy: ભારતીય રેલવે અંતર્ગત આવતી ઇન્ટિગ્રલ કોચ ફેક્ટરીમાં મોટી સંખ્યામાં એપ્રેન્ટિસ પોસ્ટ્સ માટે ભરતી બહાર પાડવામાં આવી છે.

પ્રતિકાત્મક તસવીર

Railway Coach Factory Vacancy: ભારતીય રેલવે અંતર્ગત આવતી ઇન્ટિગ્રલ કોચ ફેક્ટરી (ICF) માં મોટી સંખ્યામાં એપ્રેન્ટિસ પોસ્ટ્સ માટે ભરતી બહાર પાડવામાં આવી છે. રસ ધરાવતા અને લાયક ઉમેદવારો સત્તાવાર વેબસાઇટની મુલાકાત લઈને આ ભરતી માટે ઓનલાઈન અરજી કરી શકે છે.

આ ભરતી દ્વારા કુલ 1010 જગ્યાઓ ભરવામાં આવશે. 12 જૂલાઈથી અરજીઓ શરૂ થઈ ગઈ છે. 11 ઓગસ્ટ સુધી આ માટે અરજીઓ કરી શકાય છે. ભરતી માટે અરજી કરનારા ઉમેદવારો ઓછામાં ઓછા 10મા ધોરણ પાસ હોવા જોઈએ. આ ઉપરાંત, સાયન્સ સાથે 12 પાસ કર્યું હોવું જોઇએ અથવા જેમની પાસે ITI પ્રમાણપત્ર હોય તેવા ઉમેદવારો પણ અરજી કરી શકે છે.

આ ભરતી ફ્રેશર્સ અને એક્સ આઇટીઆઇ બંન્ને પ્રકારના ઉમેદવારો માટે છે. આ માટે વય મર્યાદાની વાત કરીએ તો, ઉમેદવારની લઘુત્તમ ઉંમર 18 વર્ષ અને મહત્તમ ઉંમર 22 વર્ષ હોવી જોઈએ. જો કે, અનામત શ્રેણીના ઉમેદવારોને સરકારી નિયમો મુજબ મહત્તમ વય મર્યાદામાં છૂટછાટ આપવામાં આવશે.

આ ભરતી પ્રક્રિયામાં કોઈ લેખિત પરીક્ષા લેવામાં આવશે નહીં. પસંદગી સંપૂર્ણપણે શોર્ટલિસ્ટિંગ પર આધારિત હશે. આ પછી દસ્તાવેજ ચકાસણી અને તબીબી તપાસની પ્રક્રિયા થશે. ફ્રેશર્સ ઉમેદવારોને તેમની લાયકાત અનુસાર સ્ટાઇપેન્ડ મળશે. 10 પાસ ફ્રેશર્સને દર મહિને 6000 રૂપિયા મળશે. 12 પાસ ફ્રેશર્સને દર મહિને 7000 રૂપિયા મળશે. એક્સ આઇટીઆઇ ઉમેદવારોને દર મહિને 7000 રૂપિયા મળશે.

અરજી કરવા માટે સૌ પ્રથમ ઉમેદવારોએ સત્તાવાર વેબસાઇટ apprenticeblw.in પર જવું પડશે. વેબસાઇટ પર ઉપલબ્ધ સંબંધિત ભરતી લિંક પર ક્લિક કરો અને પોતાને નોંધણી કરાવો. આ પછી નામ, ઇમેઇલ આઈડી, મોબાઇલ નંબર વગેરે જેવી બધી માહિતી ભરો. તમારી જન્મ તારીખ, લાયકાત અને અન્ય જરૂરી દસ્તાવેજોની સ્કેન કરેલી નકલ અપલોડ કરો. રજીસ્ટ્રેશન ફી ચૂકવો અને ફોર્મ સબમિટ કરો. સફળતાપૂર્વક અરજી કર્યા પછી તેની પ્રિન્ટઆઉટ સુરક્ષિત રાખો.