એક્ટર ધનુષે નયનતારા પર શું લગાવ્યા આરોપ? આ કારણે હાઇકોર્ટમાં પહોંચ્યો કેસ

Dhanush sues Nayanthara: છેલ્લા કેટલાક દિવસોથી સાઉથની અભિનેત્રી નયનતારા અને ધનુષ વચ્ચે અણબનાવ બન્યો હોવાના રિપોર્ટ છે. હવે ધનુષે નયનતારા વિરૂદ્ધ કેસ દાખલ કર્યો છે. નયનતારાની ડોક્યુમેન્ટરીમાંથી ધનુષની 3 સેકન્ડની ક્લિપ હટાવવા માટે ધનુષે નેટફ્લિક્સને અલ્ટીમેટમ આપ્યું હતું. હવે ધનુષે કેસ દાખલ કર્યો છે.

ધનુષની રાજા વંડરબાર ફિલ્મ્સ પ્રાઈવેટ લિમિટેડે નયનતારા, તેના દિગ્દર્શક પતિ વિગ્નેશ શિવન, તેની રાઉડી પિક્ચર્સ પ્રાઈવેટ લિમિટેડ અને અન્ય બે વિરુદ્ધ મદ્રાસ હાઇકોર્ટમાં એક સિવિલ કેસ દાખલ કર્યો છે. જેમાં તમિલ ફિલ્મ નાનુમ રાઉડી ધાન સંબંધિત કેટલાક સીન્સનો ઉપયોગ નેટફ્લિક્સની ડોક્યૂમેન્ટરી નયનતારા: બિયોન્ડ ધ ફેરીટેલમાં કરવાનો આરોપ છે.

એડવોકેટ ગૌતમ એસ. રમન અને મૈત્રેયી કંઠસ્વામી શર્મા દ્વારા દાખલ કરાયેલી અરજી બુધવારે (27 નવેમ્બર, 2024)એ ન્યાયમૂર્તિ અબ્દુલ કુદ્દોસ સમક્ષ સુનાવણી માટે સૂચિબદ્ધ કરવામાં આવી છે. ધનુષ તરફથી હાજર વરિષ્ઠ વકીલ પી.એસ. રમને ન્યાયાધીશને પરવાનગી આપવા કહ્યું પરંતુ નેટફ્લિક્સ તરફથી વરિષ્ઠ વકીલ સતીશ પરાસરન અને આર.પાર્થસારથીએ તેનો વિરોધ કર્યો હતો

નોંધનીય છે કે ધનુષ અને નયનતારા વચ્ચે આ અણબનાવ ત્યારે શરૂ થયો જ્યારે નયનતારાની ડોક્યુમેન્ટ્રી રિલીઝ થવાની હતી. આ વિવાદ રિલીઝના એક દિવસ પહેલા શરૂ થયો હતો.

આ ડોક્યુમેન્ટરી નેટફ્લિક્સ પર નયનતારાના જન્મદિવસ 18 નવેમ્બરના રોજ રિલીઝ કરવામાં આવી હતી. રિલીઝ પહેલા નયનતારાએ ધનુષને એક ઓપન લેટર લખ્યો હતો.

નયનતારાના લેટર બાદ ધનુષે જવાબ આપ્યો હતો. તેણે નેટફ્લિક્સ અને નયનતારાને 24 કલાકનું અલ્ટીમેટમ આપ્યું હતું. જેમાં કહેવામાં આવ્યું હતું કે તેની ક્લિપ હટાવી દો નહીંતર તેમની સામે કેસ દાખલ કરવામાં આવશે.

હવે આ ‘યુદ્ધ’ નયનતારા અને ધનુષ વચ્ચે ચાલુ છે. હવે આ કેસના જવાબમાં નયનતારા સોશિયલ મીડિયા પર શું જવાબ આપે છે? તે માટે રાહ જોવી પડશે.