દીપિકા પાદુકોણ લાવી રહી છે એક પછી એક ધાંસૂ ફિલ્મો, '83'થી લઇને 'ધ ઇન્ટર્ન'માં કોની સાથે કરશે કામ, જુઓ તસવીરો

મુંબઇઃ બૉલીવુડ એક્ટ્રેસ દીપિકા પાદુકોણ છેલ્લા કેટલાય સમયથી ફિલ્મ ઇન્ડસ્ટ્રી પર રાજ કરી રહી છે. તેને ફિલ્મ ઓમ શાંતિ ઓમથી બૉલીવુડમાં ડેબ્યૂ કર્યુ હતુ. આ ફિલ્મમાં તે શાહરૂખ ખાનના અપૉઝિટ હતી, તેને આ ઇન્ડસ્ટ્રીમાં લાંબી સફર કરી લીધી છે.

દીપિકા પાદુકોણ બૉલીવુડમાં અગ્રણી મહિલાઓમાંની એક છે, અને તેને માત્ર હિન્દી ફિલ્મ ઇન્ડસ્ટ્રીમાં નહીં પરંતુ હૉલીવુડમાં પણ પોતાનો દબદબો બનાવ્યો છે. અત્યારે એક્ટ્રેસ પોતાની આગામી ફિલ્મના શૂટિંગમાં ખુબ બિઝી છે. અહીં અમે દીપિકા પાદુકોણની આવનારી ફિલ્મમો વિશે બતાવી રહ્યાં છીએ....

દીપિકા પાદુકોણ પોતાના પતિ અને એક્ટર રણવીર સિંહની સાથે બાયૉપિક '83' માં દેખાશે. તે આમાં તે કપિલ દેવની પત્ની રોમી દેવની ભૂમિકા નિભાવશે. ફિલ્મ 4 જૂન 2021એ રિલીઝ થશે.

ઘણા લાંબા સમયના ઇન્તજાર બાદ દીપિકા પાદુકોણ ઋત્વિક રોશનના અપૉઝિટ દેખાશે. આ ફિલ્મનુ નામ 'ફાઇટર' છે. આ ફિલ્મ સપ્ટેમ્બર 2022માં રિલીઝ હશે. આને સિદ્વાર્થ આનંદ ડાયરેક્ટ કરી રહ્યાં છે.

દીપિકા પાદુકોણ શાહરૂખ ખાનની કમબેક મૂવી 'પઠાણ'માં દેખાશે, બન્ને ફિલ્મોમાં 'હેપ્પી ન્યૂ ઇયર' બાદ સાથે દેખાશે. ફિલ્મમાં જૉન અબ્રાહમ પણ મુખ્ય રૉલમાં છે. .

દીપિકા પાદુકોણ 'મહાભારત'માં દ્રૌપદીની ભૂમિકા નિભાવતી દેખાશે. આ મહાભારતને દ્રૌપદીના નજરીયાથી બતાવવામાં આવશે. આ ફિલ્મને દીપિકા પાદુકોણ ખુદ પણ પ્રૉડ્યૂસ કરશે.

આ પછી દીપિકા પાદુકોણ ડાયરેક્ટર શકુન બત્રાની અટાઇટલ પ્રૉજેક્ટમાં દેખાશે. આમાં સિદ્વાંત ચતુર્વેદી અને અનન્યા પાંડે પણ મુખ્ય રૉલમાં હશે.

નાગ અશ્વિનની ફિલ્મમાં દીપિકા પાદુકોણ અને સુપરસ્ટાર પ્રભાસ પહેલીવાર સ્ક્રીન શેર કરશે. આ એક સાયન્સ ફિક્શન ફિલ્મ હશે.

દીપિકા પાદુકોણ અમિતાભ બચ્ચનની સાથે સાત હૉલીવુડ મૂવી 'ધ ઇન્ટર્ન'ની હિન્દી રિમેક હશે. તે ફિલ્મને પ્રૉડ્યૂસ કરશે. (તમામ તસવીરોः ગેટી)