Ambani Gift: અનંત અંબાણીએ વહેંચી દીધી બે-બે કરોડની ઘડિયાળ, શાહરૂખ-રણવીર સહિત તમામ દોસ્તોને મળી આ મોંઘીદાટ ગિફ્ટ

Anant Ambani Wedding Gift: અનંત અંબાણી અને રાધિકા મર્ચન્ટના લગ્નમાં અંબાણી પરિવારે પાણીની જેમ પૈસા ખર્ચ્યા છે. હવે અનંતે તેના મિત્રોને કિંમતી રિટર્ન ગિફ્ટ પણ આપી છે. એશિયાના સૌથી ધનિક ઉદ્યોગપતિ મુકેશ અંબાણીના નાના પુત્ર અનંત અંબાણીએ હવે રાધિકા મર્ચન્ટ સાથે લગ્ન કર્યા છે. બંનેએ 12મી જુલાઈના રોજ મુંબઈમાં ધૂમધામથી લગ્ન કર્યા હતા. આ લગ્નને ભવ્ય બનાવવા માટે કરોડો રૂપિયાનો ખર્ચ કરવામાં આવ્યો હતો. હવે અનંતે તેના મિત્રોને આપેલી રિટર્ન ગિફ્ટની તસવીરો પણ સામે આવી છે. તમને જાણીને નવાઈ લાગશે કે અનંત અંબાણીએ તેમના ખાસ મિત્રોને માત્ર 2 લાખ રૂપિયા નહીં પરંતુ 2 કરોડ રૂપિયાની કિંમતી ભેટ આપી હતી.

અનંતે શાહરૂખ ખાન, સલમાન અને રણવીરસિંહ સહિત 25 મિત્રોને રિટર્ન ગિફ્ટમાં 18 કેરેટ સોનાની ઘડિયાળ આપી છે. જે લગભગ 2 કરોડ રૂપિયા છે.

અનંત અને રાધિકાના લગ્નની ઘણી તસવીરો હાલમાં સોશિયલ મીડિયા પર વાયરલ થઈ રહી છે. જેમાં એકમાં વરરાજાના મિત્રો પણ તેમની ઘડિયાળો ફ્લૉન્ટ કરતા જોવા મળ્યા હતા.

એક ફોટોમાં રણવીરસિંહ પણ શેરવાનીમાં પોતાની નવી ઘડિયાળ ફ્લૉન્ટ કરતો જોવા મળી રહ્યો છે.

તમને જણાવી દઈએ કે અનંત અને રાધિકાના લગ્ન 12 જુલાઈના રોજ થયા હતા. 13મી જુલાઈના રોજ બંનેના શુભ આશીર્વાદ સમારોહનું આયોજન કરવામાં આવ્યું હતું. જેમાં પીએમ નરેન્દ્ર મોદી સહિત અનેક મોટી હસ્તીઓએ હાજરી આપી હતી.

આ સમારોહમાં રવિ કિશન, ચિરાગ પાસવાન અને અન્ય ઘણા રાજકીય દિગ્ગજો હાજર રહ્યા હતા.

આ સમારોહમાં શાહરૂખ ખાન, સલમાન ખાન, રણવીરસિંહ, જ્હાન્વી કપૂર, અર્જૂન કપૂર, માધુરી દીક્ષિત, રણબીર કપૂર, સંજય દત્ત સહિત બોલિવૂડના ઘણા મોટા સ્ટાર્સે ભાગ લીધો હતો.