ફ્લૉપ હીરો બન્યો બિઝનેસમેન, બે મૂવી ફ્લૉપ ગઇ તો બૉલીવુડ છોડી 4700 કરોડની કંપની ઊભી કરી...

Entertainment News: બૉલીવૂડમાં એવા ઘણા સ્ટાર્સ છે જેમણે ઈન્ડસ્ટ્રીને અલવિદા કહી દીધું જ્યારે તેમની કારકિર્દી ફ્લૉપ થઈ અને કોઈ અન્ય ક્ષેત્રમાં હાથ અજમાવ્યો. આજે અમે તમને એવા જ એક સ્ટાર વિશે જણાવીશું જેની કારકિર્દીની પ્રથમ બે ફિલ્મો ફ્લૉપ રહી હતી, જેના પછી તેણે બૉલીવૂડને અલવિદા કહેવાનું બેસ્ટ માન્યું હતું. પરંતુ આજે આ અભિનેતા સો કરોડ રૂપિયાની કંપની ચલાવી રહ્યો છે. ચાલો જાણીએ આ કોણ છે?

27 વર્ષની ઉંમરે બૉલીવૂડને અલવિદા કહેનારા આ અભિનેતા બીજું કોઈ નહીં પણ ગિરીશ કુમાર તૌરાની છે. ગિરીશે તેની અભિનય કારકિર્દીની શરૂઆત 2013ની રોમેન્ટિક ફિલ્મ રમૈયા વસ્તાવૈયા સાથે શ્રુતિ હાસન સાથે કરી હતી.

આશરે રૂ. 40 કરોડમાં બનેલી રામૈયા વસ્તાવૈયા ભારતમાં રૂ. 25 કરોડ પણ કમાઈ શકી ન હતી અને બૉક્સ ઓફિસ પર ફ્લોપ જાહેર થઈ હતી.

ત્રણ વર્ષ પછી ગિરીશની બીજી ફિલ્મ લવશુદા રિલીઝ થઈ. નવનીત કૌર ધિલ્લોન અને નવીન કસ્તુરિયા અભિનીત આ ફિલ્મ પણ બોક્સ ઓફિસ પર નિષ્ફળ ગઈ.

19 ફેબ્રુઆરી 2016ના રોજ લવશુદાની રિલીઝના થોડા દિવસો પહેલા, ગિરીશે તેની લાંબા સમયની ગર્લફ્રેન્ડ કૃષ્ણા સાથે 11 ફેબ્રુઆરીએ લગ્ન કર્યા. જો કે, અભિનેતાએ લગભગ એક વર્ષ સુધી તેના લગ્નને ગુપ્ત રાખ્યા હતા અને ફેબ્રુઆરી 2017 માં તેનો ખુલાસો કર્યો હતો. આ અંગે ગિરીશે કહ્યું હતું કે તે નથી ઈચ્છતો કે તેના લગ્નને કારણે તેની કારકિર્દી પર કોઈ અસર પડે.

અભિનય છોડ્યા પછી ગિરીશ કુમાર તૌરાનીએ તેમના પિતા કુમાર તૌરાની અને તેમના કાકા રમેશ તૌરાની સાથે કામ કરવાનું શરૂ કર્યું, જેઓ ટીપ્સ ઇન્ડસ્ટ્રીઝના માલિક હતા.

તે રૂ. 4700 કરોડની ફિલ્મ નિર્માણ, વિતરણ અને સંગીત કંપનીના ચીફ ઓપરેટિંગ ઓફિસર (COO) તરીકે કામ કરે છે.

હાલમાં ગિરીશ અભિનયમાં પુનરાગમન કરવા અંગે કોઈ અપડેટ નથી.