બુડાપેસ્ટમાં બહેનની સાથે સન્ડે એન્જૉય કરતી દેખાઇ એક્ટ્રેસ ભૂમિ પેડનેકર, ફેન્સ સાથે શેર કરી સુંદર તસવીરો

મુંબઇઃ બૉલીવુડ એક્ટ્રેસ ભૂમિ પેડનેકર આજકાલ પોતાની બહેન સમીક્ષા પેડનેકરની સાથે બુડાપેસ્ટમાં વેકેશન એન્જૉય કરી રહી છે. ઉલ્લેખનીય છે કે, ભૂમિ પેડનેકર છેલ્લા કેટલાય મહિનાઓથી નૉન-સ્ટૉપ શૂટિંગ કરી રહી છે. તાજેતરમાં જ તેને અક્ષય કુમારની સાથે રક્ષાબંધનનુ શૂટિંગ પુરુ કર્યુ છે, અને આ પછી તેને વિક્કી કૌશલ અને કિયારા અડવાણીની સાથે મિસ્ટર લેલે ના કેટલાક સીન શૂટ કર્યા છે.

વળી, હવે ભૂમિ પેડનેકર પોતાના બિઝી શિડ્યૂલમાંથી સમય કાઢીને બહેન સમીક્ષાની સાથે બુડાપેસ્ટ પહોંચી ગઇ છે. તેની વેકેશનની કેટલીક તસવીરો ભૂમિ પેડનેકરે પોતાના ઇન્સ્ટાગ્રામ પર શેર કરી છે.

સન્ડેના દિવસે ભૂમિએ સોશ્યલ મીડિયા પર કેટલીક તસવીરો અને વીડિયો ફેન્સ સાથે શેર કર્યા છે. જેમાં તે બહેનની સાથે બુડાપેસ્ટના રસ્તાંઓ પર મસ્તી કરતી અને ફરતી દેખાઇ.

આ પૉસ્ટને શેર કરતા ભૂમિએ લખ્યું- ખાલી ફોટો ડમ્પ પાર્ટ #બુડાપેસ્ટ #BPtravels @samikshednekar. આ ઉપરાંત ભૂમિએ પોતાની ઇન્સ્ટાગ્રામ સ્ટૉરી પર પણ કેટલીક તસવીરો શેર કરી છે, જે એ વાતનો સબૂત છે કે તે એકદમ મસ્તી સાથે પોતાનુ વેકેશન મનાવી રહી છે.

સમીક્ષાએ પોતાની અને ભૂમિની કેટલીક સુંદર તસવીરો પણ શેર કરી છે. ઉલ્લેખનીય છે કે પોતાની રજાઓ બાદ ભૂમિ ફરીથી મિસ્ટર લેલેના શૂટિંગમાં વ્યસ્ત થઇ જશે. વર્ષ 2020ની હૉરર ફિલ્મ ભૂત-પાર્ટ વનઃ ધ હૉન્ટેડ શિપ બાદ વિક્કી કૌશલની સાથે ભૂમિની આ બીજી ફિલ્મ હશે. જ્યારે 2017ના સોશ્યલ ડ્રામા ટૉયલેટ એક પ્રેમકથા બાદ અક્ષય કુમારની સાથે રક્ષાબંધન પણ ભૂમિની બીજી ફિલ્મ છે.

આ ફિલ્મો ઉપરાંત ભૂમિ પેડનેકર, રાજકુમાર રાવની સાથે બધાઇ દોમાં પણ દેખાશે. આ આયુષ્યમાન ખુરાના- સ્ટારર બધાઇ હો (2018)નો બીજો ભાગ છે.