Ayushmann Khurrana Birthday: રિયલ લાઇફમાં પણ સ્પર્મ ડોનેટ કરી ચૂક્યો છે Ayushmann Khurrana

Ayushmann Khurrana Birthday: આ દિવસોમાં આયુષ્માન ખુરાના તેની ફિલ્મ 'ડ્રીમ ગર્લ 2'ની સફળતાનો આનંદ માણી રહ્યો છે. આજે તેનો જન્મદિવસ પણ છે. આયુષ્માન આજે 38 વર્ષનો થઈ ગયો છે. અભિનેતાને બોલિવૂડમાં 11 વર્ષ થયાં છે અને તે પોતાના અભિનય અને અવાજથી ચાહકોના દિલો પર રાજ કરી રહ્યો છે.

આયુષ્માન ખુરાનાનો જન્મ ચંડીગઢમાં થયો હતો. તેમનું બાળપણનું નામ નિશાંત ખુરાના હતું પરંતુ 3 વર્ષની ઉંમરે તેમનું નામ બદલીને આયુષ્માન ખુરાના રાખવામાં આવ્યું હતું. તેણે અંગ્રેજીમાં માસ્ટર ડિગ્રી લીધી અને માસ કોમ્યુનિકેશનનો પણ અભ્યાસ કર્યો હતો.

અભ્યાસ પૂરો કર્યા બાદ આયુષ્માન ખુરાના આરજે બન્યો અને તેણે પોતાના અવાજથી લોકોને પોતાના ચાહક બનાવ્યા. તેણે દિલ્હીમાં બિગ એફએમમાં કામ કરવાનું શરૂ કર્યું જ્યાં તે 'બિગ ચાય-માન ના માન મેં તેરા આયુષ્માન' નામનો શો હોસ્ટ કરતો હતો. આ પછી તે એમટીવીના રિયાલિટી શો 'રોડીઝ 2'નો ભાગ બન્યો અને જીત મેળવી હતી.

આરજે બનતા પહેલા અને 'રોડીઝ 2' જીતતા પહેલા આયુષ્માન ટ્રેનમાં ગીતો ગાતો હતો. તે ચંડીગઢ ઈન્ટર સિટી ટ્રેનના સેકન્ડ ક્લાસના ડબ્બામાં મુસાફરી કરતો હતો અને પોતાના અવાજથી લોકોને મંત્રમુગ્ધ કરતો હતો. આ પછી તેમનું જીવન આગળ વધ્યું અને તેણે 2012 માં આવેલી ફિલ્મ 'વિકી ડોનર' થી બોલિવૂડમાં ડેબ્યૂ કર્યું. તેમની પહેલી જ ફિલ્મથી દર્શકો તેમનાથી પ્રભાવિત થયા હતા.

આયુષ્માન ખુરાના માત્ર ઓનસ્ક્રીન સ્પર્મ ડોનર નથી બન્યો પરંતુ તેણે રિયલ લાઈફમાં પણ સ્પર્મ ડોનેટ કર્યા છે અને આ વાત બહુ ઓછા લોકો જાણે છે.

આયુષ્માને પોતે ઈન્ડિયા ટુડે ઈવેન્ટમાં ખુલાસો કર્યો હતો કે MTV રોડીઝના ઓડિશન દરમિયાન તેને સ્પર્મ ડોનેટ કરવાનું ટાસ્ક આપવામાં આવ્યું હતું અને તેણે આ ટાસ્ક પણ પૂરું કર્યું હતું. આ ટાસ્ક જીતવા માટે આયુષ્માને અલ્હાબાદમાં સ્પર્મ ડોનેટ કર્યા હતા.

હવે આયુષ્માન ખુરાનાને ફિલ્મ ઈન્ડસ્ટ્રીમાં 11 વર્ષ થઈ ગયા છે અને આ દરમિયાન તેણે અલગ-અલગ મુદ્દાઓ પર બનેલી ફિલ્મોમાં કામ કર્યું છે. 'વિકી ડોનર', 'દમ લગાકે હઈસા', 'શુભ મંગલ સાવધાન', 'બરેલી કી બરફી', 'મેરી પ્યારી બિંદુ', 'બધાઈ હો', 'અંધાધુંધ' અને 'ડ્રીમ ગર્લ'.

હાલમાં જ તેની 'ડ્રીમ ગર્લ' ફિલ્મની સિક્વલ 'ડ્રીમ ગર્લ 2' રિલીઝ થઈ છે જેમાં તે 'પૂજા'ના અવતારમાં જોવા મળ્યો છે.

તમામ તસવીરો ઇન્સ્ટાગ્રામ પરથી લેવામાં આવી છે.