Vinod Khanna-Feroz Khan: રિયલ લાઇફમાં 'જય-વીરુ' જેવું બોન્ડ શેર કરતા હતા આ બે સ્ટાર્સ

બૉલિવૂડની ઘણી ફિલ્મોમાં મિત્રતાનું ઉદાહરણ રજૂ કરવામાં આવ્યું છે. પરંતુ આજે અમે તમને તે બે સુપરસ્ટારનો પરિચય કરાવીશું જેઓ વાસ્તવિક જીવનમાં ‘જય-વીરુ’ હતા. તેમની મિત્રતાની વાતો પણ ઘણી ફેમસ છે.

ફિરોઝ ખાન અને વિનોદ ખન્નાએ 70ના દાયકામાં મોટા પડદા પર ધમાલ મચાવી હતી. જેની મિત્રતા આખા બોલિવૂડમાં ઉદાહરણીય છે.

વિનોદ અને ફિરોઝે ઘણી ફિલ્મોમાં સાથે કામ કર્યું છે. જીવનના સુખ-દુઃખમાં બંને હંમેશા એકબીજાની પડખે ઉભા રહ્યા. તેમની જોડી પહેલીવાર ફિલ્મ 'શંકર શંભુ'માં જોવા મળી હતી. જે દર્શકોને ખૂબ પસંદ આવી હતી.

આ ફિલ્મ પછી બંને વચ્ચે ખૂબ જ ગાઢ મિત્રતા થઈ ગઈ. ત્યારબાદ બંનેએ સાથે મળીને હિન્દી સિનેમાને ઘણી સુપરહિટ ફિલ્મો આપી.

પછી વિનોદ ખન્નાના જીવનમાં એક સમય એવો આવ્યો જ્યારે તેમણે ઓશો રજનીશના પ્રભાવ હેઠળ તેમની સફળ કારકિર્દી છોડી દીધી.

અહેવાલો અનુસાર, અભિનેતા પાંચ વર્ષથી બોલિવૂડથી દૂર હતા. ત્યારે તેમને ખ્યાલ આવ્યો કે તેઓ માત્ર ફિલ્મો માટે જ બન્યા છે. જોકે, વિનોદ ખન્ના માટે વાપસી સરળ નહોતી. પરંતુ ફિરોઝ ખાને આમાં તેની મદદ કરી. જેણે વિનોદને ફિલ્મ 'દયાવાન'માં તક આપી હતી.

વર્ષ 2009માં ફિરોઝ ખાન 27 એપ્રિલે ફેફસાના કેન્સર સામેની લડાઈ હારી ગયા અને દુનિયાને અલવિદા કહી દીધું. વિનોદ ખન્ના માટે આ સમય ઘણો મુશ્કેલ હતો. ત્યારબાદ ફિરોઝના મૃત્યુના લગભગ 8 વર્ષ બાદ વિનોદનું 27 એપ્રિલ 2017ના રોજ નિધન થયું હતું. તેમનું મૃત્યુ પણ કેન્સરને કારણે થયું હતું.