Upen Patel Birthday: દીપિકા પાદુકોણ સાથે અફેરને લઇને વિવાદોમાં રહ્યો ઉપેન પટેલ, આજે છે ઇન્ડસ્ટ્રીઝમાંથી ગાયબ

બોલિવૂડ એક્ટર ઉપેન પટેલ આજે પોતાનો 40મો જન્મદિવસ ઉજવી રહ્યો છે. જો કે તે છેલ્લા ઘણા સમયથી મોટા પડદા પરથી ગાયબ છે અને સોશિયલ મીડિયા પર પણ તે બહુ એક્ટિવ દેખાતો નથી.

ઉપેન પટેલે કરીના કપૂરથી લઈને કેટરિના કૈફ સુધીની ઘણી મોટી અભિનેત્રીઓ સાથે સ્ક્રીન શેર કરી છે. પરંતુ ઘણી સુપરહિટ ફિલ્મોનો ભાગ હોવા છતાં તે ઇન્ડસ્ટ્રીમાંથી ગાયબ છે.

વાસ્તવમાં તે ભારતીય નાગરિક નથી. ઉપેનનો જન્મ બ્રિટનમાં થયો હતો અને આજે પણ તેની પાસે ત્યાંની નાગરિકતા છે.

ઉપેન પટેલે વર્ષ 2006માં કરીના કપૂર અને શાહિદ કપૂર અભિનીત '36 ચાઇના ટાઉન'થી તેના ફિલ્મી કરિયરની શરૂઆત કરી હતી. જો કે ફિલ્મ બોક્સ ઓફિસ પર સફળ થઇ નહોતી.

આ પછી ઉપેન કેટરીના કૈફ અને અક્ષય કુમાર સુપરહિટ ફિલ્મ 'નમસ્તે લંડન'માં જોવા મળ્યો હતો. આ પછી તેણે ઘણી ફિલ્મોમાં કામ કર્યું. તે બિગ બોસ શોમાં તેમજ અભિનેત્રી કરિશ્મા તન્ના સાથેના અફેર દરમિયાન ચર્ચામાં આવ્યો હતો. પરંતુ બિગ બોસ સીઝન 8 સમાપ્ત થયા પછી બંન્ને અલગ થઇ ગયા હતા.

ઉપેન પટેલે ઘણી આંતરરાષ્ટ્રીય બ્રાન્ડ માટે મોડલિંગ કર્યું છે. ઉપેન ઈન્ડસ્ટ્રીમાં પોતાના અફેરને કારણે ચર્ચામાં રહ્યો છે. એક મીડિયા રિપોર્ટ્સ અનુસાર, ઉપેન બોલિવૂડની જાણીતી અભિનેત્રી દીપિકા પાદુકોણનો એક્સ બોયફ્રેન્ડ રહી ચૂક્યો છે.

દીપિકા પાદુકોણ તેની કારકિર્દી દરમિયાન મોડલ ઉપેન પટેલના સંપર્કમાં આવી હતી. બંનેએ એક ઇન્ટિમેટ સીન પણ શૂટ કર્યો હતો જે વાયરલ થયો હતો. જો કે દીપિકા અને ઉપેનનું અફેર લાંબો સમય ચાલ્યુ નહોતું.