Dino Morea Birthday: ડિનો મોરિયાએ એક જ ફિલ્મથી બોક્સ ઓફિસ પર મચાવી હતી ધૂમ, હવે એક હિટ માટે તરસે છે એક્ટર

Dino Morea Birthday: ડિનો મોરિયાએ બોલિવૂડમાં પ્રવેશતાની સાથે જ હલચલ મચાવી દીધી હતી. તેની એક ફિલ્મે તમામ મોટા સ્ટાર્સને પછાડી દીધા હતા પરંતુ હવે તે એક હિટ ફિલ્મની રાહ જોઇ રહ્યો છે.

ડિનો મોરિયા છેલ્લા 24 વર્ષથી પોતાની ફિલ્મો દ્વારા ચાહકોનું મનોરંજન કરી રહ્યો છે. જો કે છેલ્લા ઘણા સમયથી તેને એક પણ હિટ ફિલ્મ મળી નથી. ડિનો મોરિયાનો જન્મદિવસ 9મી ડિસેમ્બરે છે. આ ખાસ અવસર પર ચાલો તેના જીવન પર એક નજર કરીએ.

વર્ષ 1999માં ડિનો મોરિયાએ ફિલ્મ 'પ્યાર મેં કભી કભી'થી પોતાના કરિયરની શરૂઆત કરી હતી. જોકે, તેની ડેબ્યુ ફિલ્મ બોક્સ ઓફિસ પર ખરાબ રીતે ફ્લોપ રહી હતી.

આ પછી ડીનો મોરિયાને એક ફિલ્મ મળી જેણે તેને સુપરસ્ટાર બનાવી દીધો. આ ફિલ્મનું નામ છે 'રાઝ'. આ હોરર ફિલ્મમાં અભિનેતા સાથે બિપાશા બાસુ જોવા મળી હતી.

ડીનો મોરિયાની 'રાઝ' 2002માં રિલીઝ થઈ હતી અને બોક્સ ઓફિસ પર બ્લોકસ્ટર સાબિત થઈ હતી. આ ફિલ્મના તમામ ગીતો સુપરહિટ રહ્યા હતા. આજે પણ લોકો 'રાજ'ના ગીતો સાંભળવાનું પસંદ કરે છે.

વર્ષ 2002માં ડીનો મોરિયાની 'રાઝ'એ ઘણા મોટા સ્ટાર્સની ફિલ્મોને પાછળ છોડી દીધી હતી. આ જ વર્ષે શાહરૂખ ખાનની ફિલ્મ 'દેવદાસ' હિટ સાબિત થઈ હતી. અક્ષય કુમારની 'આવારા પાગલ દિવાના' એવરેજ હતી અને સલમાન ખાનની 'તુમકો ના ભૂલ પાયેંગે' ફ્લોપ થઈ હતી.

ફિલ્મ 'રાઝ'ની સફળતા પછી ડિનો મોરિયાની કારકિર્દી સંપૂર્ણપણે પાટા પરથી ઉતરી ગઈ. તેણે 21 વર્ષમાં ઘણી ફિલ્મો કરી પરંતુ તે બધી કમાણીના મામલામાં બોક્સ ઓફિસ પર નબળી સાબિત થઈ.

ડીનો મોરિયાની 'બાઝ', 'ઈશ્ક હૈ તુમસે', 'ઈન્સાફ', 'ગુનાહ', 'રક્ત', 'ચેહરા', 'અક્સર', 'હોલિડે', 'ટોમ ડિક એન્ડ હેરી', 'ભ્રમ', 'અનામિકા' અને 'એસિડ ફેક્ટરી' જેવી ઘણી ફિલ્મો ફ્લોપ થઈ છે. (તમામ તસવીરોઃ ઇન્સ્ટાગ્રામ)