પતિની સરનેમ હટાવતા આ એક્ટ્રેસનું ચમક્યું નસીબ, નંબર-1 પર ટ્રેડ કરી રહી છે ફિલ્મ

દિવ્યા ખોસલા એક અભિનેત્રી, નિર્દેશક અને નિર્માતા છે. દિવ્યાએ 2004માં તેલુગુ ફિલ્મ 'લવ ટુડે'થી પોતાની એક્ટિંગ કરિયરની શરૂઆત કરી હતી. આ પછી તે ‘અબ તુમ્હારે હવાલે વતન સાથીઓ’, ‘સનમ રે’, ‘બુલબુલ’ અને બીજી ઘણી ફિલ્મોમાં જોવા મળી. તેણે ફિલ્મ 'યારિયાં' અને 'સનમ રે' માટે નિર્દેશકની ભૂમિકા પણ ભજવી છે. દિવ્યાએ થોડા મહિનાઓ પહેલા તેના નામમાંથી તેના પતિ ભૂષણ કુમારની સરનેમ 'કુમાર' હટાવી દેતાં હંગામો મચી ગયો હતો. જે બાદ અફવા ફેલાઈ હતી કે તે તેના પતિથી અલગ થઈ રહી છે. જોકે આ માત્ર અફવાઓ હતી. હવે દિવ્યાના પતિની સરનેમ હટાવવાનું મોટું કારણ સામે આવ્યું છે.

બોલિવૂડ શાદી ડોટ કોમના અહેવાલ મુજબ, દિવ્યા ખોસલાએ હવે ખુલાસો કર્યો છે કે તેણે થોડા મહિના પહેલા તેના નામમાંથી તેના પતિની સરનેમ 'કુમાર' કેમ હટાવી દીધી હતી.

અભિનેત્રીએ જણાવ્યું કે, એક જ્યોતિષીએ તેને સલાહ આપી હતી કે જો તે તેના નામમાંથી તેના પતિની સરનેમ 'કુમાર' હટાવી દે તો તેને પ્રોફેશનલ રીતે આગળ વધવામાં મદદ મળશે. હવે આખરે પરિવર્તનના સકારાત્મક પરિણામો દેખાવા લાગ્યા છે.

દિવ્યાએ પોતાની સરનેમ 'ખોસલા'ના સ્પેલિંગમાં વધારાનો 'S' પણ ઉમેર્યો છે. આ તમામ સૂચનો દિવ્યાને પ્રખ્યાત જ્યોતિષ સંજય બી જુમાની દ્વારા આપવામાં આવ્યા હતા.જ્યોતિષની સલાહ પર દિવ્યાએ તેની અટકમાંથી 'કુમાર' કાઢી નાખ્યું અને તેનાથી તેને ફાયદો પણ થયો છે.

વાસ્તવમાં દિવ્યા ખોસલા અને હર્ષવર્ધન રાણે અભિનીત ફિલ્મ સાવી 31 મે, 2024 ના રોજ રીલિઝ થઈ, તેની રીલિઝના ચાર મહિના પછી પણ નેટફ્લિક્સ પર નંબર 1 પર ટ્રેન્ડ કરી રહી છે. આ ફિલ્મ પંદર દેશોમાં લીડ કરી રહી છે અને શાનદાર પ્રદર્શન કરી રહી છે.

ફેબ્રુઆરી 2024માં દિવ્યાએ પોતાના નામમાંથી 'કુમાર' સરનેમ હટાવી દીધી હતી. આ પછી અફવાઓ ફેલાઈ હતી કે દિવ્યા અને ભૂષણનું લગ્નજીવન બરાબર નથી ચાલી રહ્યું અને તેઓ છૂટાછેડા લઈ શકે છે. જોકે, બાદમાં ભૂષણે સ્પષ્ટતા કરી હતી કે દિવ્યાએ જ્યોતિષના કારણોસર પોતાનું નામ બદલ્યું છે. ભૂષણે કહ્યું હતું કે, “આ માત્ર જ્યોતિષીય કારણ છે જેને તે (બદલવા) માંગતી હતી. હું માનતો નથી પણ તે માને છે. ,

દિવ્યા ખોસલા પહેલીવાર ભૂષણ કુમારને ફિલ્મ 'અબ તુમ્હારે હવાલે વતન સાથિયોં'ના શૂટિંગ દરમિયાન મળી હતી. દિવ્યાને જોતાં જ ભૂષણ તેની પાછળ પાગલ થઇ ગયો હતો. ભૂષણે દિવ્યાનું દિલ જીતવા માટે તમામ પ્રયાસ કર્યા.

દિવ્યા ખોસલા અને ભૂષણ કુમારના લગ્ન 13 ફેબ્રુઆરી 2005ના રોજ જમ્મુના વૈષ્ણો દેવી મંદિરમાં થયા હતા તે સમયે દિવ્યા માત્ર 21 વર્ષની હતી. સાદા લગ્ન પછી બે ભવ્ય રિસેપ્શનનું આયોજન કરવામાં આવ્યું હતું, જેમાં ઉદ્યોગના તમામ મોટા નામોને આમંત્રણ અપાયું હતું. 2011માં દિવ્યા અને ભૂષણે તેમના પુત્ર રુહાનનું સ્વાગત કર્યું હતું

દિવ્યા ખોસલાના વર્ક ફ્રન્ટ વિશે વાત કરીએ તો તે છેલ્લે અનિલ કપૂર અને હર્ષવર્ધન રાણે સાથે ફિલ્મ સાવીમાં જોવા મળી હતી. હવે તે તેલુગુ ફિલ્મ હીરો હીરોઈનમાં જોવા મળશે.