લગ્ન અગાઉ પ્રેગનન્ટ થઇ ગઇ હતી આ એક્ટ્રેસ, બાદમા છોડવું પડ્યુ બોલિવૂડ

બોલિવૂડની આ અભિનેત્રીએ કેટલીક ફિલ્મોમાં કામ કર્યું હતું પરંતુ લગ્ન પહેલા તેની પ્રેગ્નન્સીને કારણે તેની ખૂબ ચર્ચાઓ થઇ હતી.

આ બીજું કોઈ નહીં પણ સર્બિયન અભિનેત્રી અને મોડલ નતાશા સ્ટેનકોવિક છે જેણે ભારતીય ક્રિકેટર હાર્દિક પંડ્યા સાથે લગ્ન કર્યા છે.

1992માં સર્બિયાના પોઝારેવેકમાં જન્મેલી નતાશા 20 વર્ષની ઉંમરે એક્ટિંગ કરવા માટે 2012માં ભારત આવી હતી. તેણે 2013માં આવેલી ફિલ્મ 'સત્યાગ્રહ'થી બોલિવૂડમાં એન્ટ્રી કરી હતી. આ ફિલ્મમાં તે ડાન્સ ટ્રેક 'અઇયો જી'માં જોવા મળી હતી.

2014માં નતાશાએ બિગ બોસ 8 માં ભાગ લીધો હતો અને 28 દિવસ પછી તેને શોમાંથી બહાર કરવામાં આવી હતી.

વર્ષ 2015માં બાદશાહના પોપ્યુલર ટ્રેક 'ડીજે વાલે બાબુ'માં કામ કર્યા બાદ અભિનેત્રી ઘણી લોકપ્રિય બની હતી. 2016 થી 2019 સુધી નતાશા 'ફુકરે રિટર્ન્સ', 'ડેડી' અને 'ધ બોડી' જેવી ઘણી ફિલ્મોમાં ગીતોમાં સ્પેશિયલ અપિયરન્સમાં જોવા મળી હતી.

તેણે 2018માં શાહરૂખ ખાન, અનુષ્કા શર્મા અને કેટરિના કૈફ સ્ટારર 'ઝીરો'માં પણ કેમિયો રોલ કર્યો હતો.નતાશા સ્ટેનકોવિકે 2014માં એક વર્ષ માટે એક્ટર અને રિયાલિટી ટીવી સ્ટાર એલી ગોનીને ડેટ કરી હતી. વર્ષ 2019માં બંનેએ ડાન્સ રિયાલિટી શો 'નચ બલિયે 9'માં પણ ભાગ લીધો હતો જેમાં તેઓ ચોથા ક્રમે રહ્યા હતા.

સર્બિયન મૉડલ અને અભિનેત્રી એ સમયે ખૂબ ચર્ચામાં આવી હતી જ્યારે તેણે અને ભારતીય ક્રિકેટર હાર્દિક પંડ્યાએ 1 જાન્યુઆરી, 2020 ના રોજ સોશિયલ મીડિયા પર તેમની સગાઈની જાહેરાત કરી હતી. 2020માં કોવિડ -19 ને કારણે દેશવ્યાપી લોકડાઉન દરમિયાન દંપતિએ 31 મેના રોજ એક ખાનગી સમારોહમાં લગ્ન કર્યા હતી.

નોંધનીય છે કે હાર્દિક સાથે લગ્ન કરતા પહેલા નતાશા ગર્ભવતી હતી. તેમના લગ્નના બે મહિના પછી નતાશા અને મુંબઈ ઈન્ડિયન્સના કેપ્ટને 30 જૂલાઈએ તેમના પુત્રનું સ્વાગત કર્યું હતું. દંપતીએ તેમના પુત્રનું નામ અગસ્ત્ય રાખ્યું છે.2023 માં વેલેન્ટાઇન ડેના અવસર પર એટલે કે ગયા વર્ષે 14 ફેબ્રુઆરીએ નતાશા અને હાર્દિકે રાજસ્થાનના ઉદયપુરમાં ખ્રિસ્તી રીતરિવાજ અનુસાર ફરીથી લગ્ન કર્યા હતા. અભિનેત્રીએ પોતાના અંગત અને વિવાહિત જીવન પર ધ્યાન કેન્દ્રિત કરવા માટે 2019 માં બોલિવૂડને અલવિદા કરી દીધું હતું. હાલમાં નતાશા તેના પુત્ર અને ક્રિકેટર પતિ સાથે તેના જીવનમાં ખૂબ જ ખુશ છે.