Prateik Babbar Wedding: લગ્નના બંધનમાં બંધાયા પ્રતીક બબ્બર અને પ્રિયા,જુઓ શાનદાર તસવીરો

Prateik Babbar Wedding: લગ્નના બંધનમાં બંધાયા પ્રતીક બબ્બર અને પ્રિયા,જુઓ શાનદાર તસવીરો

લગ્નના બંધનમાં બંધાયા પ્રતીક બબ્બર અને પ્રિયા

બોલિવૂડ એક્ટર પ્રતિક બબ્બરે આજે વેલેન્ટાઈન ડે એટલે કે 14મી ફેબ્રુઆરીના દિવસે ગર્લફ્રેન્ડ પ્રિયા બેનર્જી સાથે સાત ફેરા લીધા છે. લગ્નમાં આ કપલ રોયલ લુકમાં જોવા મળ્યું હતું. તસવીરોમાં જુઓ કપલનો શાનદાર અંદાજ.

અભિનેતા પ્રતિક બબ્બર પીઢ અભિનેતા રાજ બબ્બર અને દિવંગત અભિનેત્રી સ્મિતા પાટિલનો પુત્ર છે. જેણે આજે પોતાની ગર્લફ્રેન્ડ પ્રિયા બેનર્જી સાથે લગ્ન કર્યા છે.

પ્રતીકે હવે તેના ઇન્સ્ટાગ્રામ એકાઉન્ટ પર લગ્નની તસવીરો શેર કરી છે. જેમાં બંને લગ્નની વિધિ કરતા જોવા મળ્યા હતા.

પ્રતિક એક તસવીરમાં ખૂબ જ ભાવુક જોવા મળ્યો હતો. આ દરમિયાન પ્રિયા તેની પ્રેમથી કાળજી લેતી જોવા મળી હતી. લગ્ન પછી પ્રતિકે તેની દુલ્હનને લિપ-લૉક કરીને પ્રેમ વરસાવ્યો હતો. બંનેની આ તસવીરો હવે સોશિયલ મીડિયા પર વાયરલ થઈ છે.

પ્રતીક અને પ્રિયાએ લગ્નમાં મેચિંગ આઉટફિટ્સ પહેર્યા હતા. અભિનેતા ઓફ વ્હાઇટ શેરવાનીમાં જોવા મળ્યો હતો. પ્રિયાએ પણ આ જ રંગનો લહેંગા પહેર્યો હતો.

લગ્ન બાદ પ્રતિક અને પ્રિયા પાપારાઝીને પણ મળ્યા હતા. ત્યાં પણ બંને કેમેરા સામે લિપ-લોક કરતા જોવા મળ્યા હતા. આ સિવાય કપલે પાપારાઝીઓને તેમના લગ્નની મીઠાઈઓ પણ વહેંચી હતી. આ દરમિયાન બંનેના ચહેરા પર લગ્નની ખુશી સ્પષ્ટ દેખાતી હતી.